EN 
يواصل موقع صدى البلد نشر نص اعترافات المتهمة، بقتل زوجها والتخلص منه وإلقاء جثته في مقلب زبالة بالاشتراك مع عشيقها لكي يخلو لهما الجو في مدينة السلام.
ويرصد صدى البلد اعترافات المتهمة، وخطة التخلص من زوجها وإلقاء جثته في مقلب زبالة، وما السر وراء كوب القهوة وسم الفئران وحكاية العشيق؟.
وجاءت نص اعترافات المتهمة، كالاتي:" انا اسمي، ايه.ف، قررت أنا وعشيقي اننا نتخلص من جوزي عن طريق اعطائه سم فئران، وبالفعل خططنا لذلك وعشيقي جابلي 3 أكياس سم فئران على فترات متفاوتة، بس انا مكنتش قادرة احط السم لجوزي وكنت برميهم في الزبالة".
تنفيذ الجريمة
وتابعت المتهمة في اعترافاتها، عشيقي قالي احنا هنحاول ننيم جوزك ونخنقه ومش هيبان انه مقتول وفضلنا نتكلم في الموضوع ده كتير لحد يوم راس السنه، وبعدها بيومين جوزي سافر الساحل مع صحابه وتركني في الشقة بمفردي انا واطفالي فاتصلت بعشيقي وحضر الي الشقة ونمت معه في اليوم ده ومشي الساعه 10 الصبح وكان معايا بناتي بس محسوش بيه وساعتها اداني كيس السم وقالي حطيه لجوزك لما يرجع من السفر بس انا رميت الكيس لتالت مره".
من الساحل للقبر لحظات أخيرة في حياة المجني عليه
واكدت المتهمة في اعترافاتها، أنه في تمام الساعة الواحدة ظهراً حضر جوزي من السفر ونام معايا مرتين مرة العصر ومرة الساعه 8 مساء ، في الوقت ده احمد ابني كان في حلوان وبنتي كانت مع عمتها ، وبعدها بساعتين دخل جوزي الي غرفة النوم وعشيقي اتصل بيا قالي حطي لجوزك المنوم النهاردة قولتله حاضر وبعدها صحي جوزي وقالي اعمليلى قهوة وانا دخلت اعمل قهوة وحطيت له حباية المنوم وبعدها عشيقي كلمني وقالي انا هاجي واخلص عليه وسألني انتي هتبقي معايا وانا قلتله لا مش هاقدر اشوفك وانتا بتعمل فيه كده وقالي ماشي انا هتصل وهجيب واحد صاحبي يخلص عليه معايا وبالفعل حضر عشيقي ومعه شخص آخر وخلص علي جوزي.
إحالة المتهمة للمفتي
وكانت قررت محكمة الجنايات إحالة المتهمة وعشيقها الي فضيلة المفتي لأخذ الرأي الشرعي في حكم إعدامه.
