يواصل موقع صدى البلد نشر نص اعترافات المتهمة أيه.ف، التي لم يتخطى عامها 25 عاماً، لاتهامها بإنهاء حياة زوجها والتخلص منه بالاشتراك مع عشيقها لكي يخلو لهما الجو في مدينة السلام.

ويرصد صدى البلد، الساعات الأولى من الجريمة التي اعترفت بها المتهمة، و خطة التخلص من زوجها بالاشتراك مع عشيقها وإلقاء جثته في مقلب زبالة.

س.. ما تفصيلات اعترافك للواقعة

ج.."انا اتعرفت على عشقي في فرح شعبي، وأقمت معه علاقة، وبعد مرور أيام وشهور قررت أنا وعشيقي اننا نتخلص من جوزي، وفي مرة عشيقي كان عندي وجابلي معاه كيس سم وقالي خدي ده وحطيه لجوزك في الأكل عشان نخلص منه،

واكملت المتهمة في اعترافاتها،:" عشيقي قالي انا هجببلك نوع سم وجبلي بالفعل نوع تاني وانا مردتش احطه لجوزي في الاكل وبعدها قالي احنا خلاص هنحاول ننيم جوزك ونخنقه ومش هيبان انه مقتول وفضلنا نتكلم في الموضوع ده كتير لحد يوم راس السنه، وبعدها بيومين جوزي سافر الساحل مع صحابه وتركني في الشقة بمفردي انا واطفالي فاتصلت بعشيقي وحضر الي الشقة ونمت معه في اليوم ده ومشي الساعه 10 الصبح وكان معايا بناتي بس محسوش بيه وساعتها اداني كيس السم وقالي حطيه لجوزك لما يرجع من السفر بس انا رميت الكيس لتالت مره".

وتابعت المتهمة في اعترافاتها، وفي تمام الساعة الواحدة ظهراً حضر جوزي من السفر ونام معايا مرتين مرة العصر ومرة الساعه 8 مساء ، في الوقت ده احمد ابني كان في حلوان وبنتي كانت مع عمتها ، وبعدها بساعتين دخل جوزي الي غرفة النوم وعشيقي اتصل بيا قالي حطي لجوزك المنوم النهاردة قولتله حاضر وبعدها صحي جوزي وقالي اعمليلى قهوة وانا دخلت اعمل قهوة وحطيت له حباية المنوم وبعدها عشيقي كلمني وقالي انا هاجي واخلص عليه وسألني انتي هتبقي معايا وانا قلتله لا مش هاقدر اشوفك وانتا بتعمل فيه كده وقالي ماشي انا هتصل وهجيب واحد صاحبي يخلص عليه معايا وبالفعل حضر عشيقي ومعه شخص آخر وخلص علي جوزي.

واستطردت، بعدها لقيت عشيقي بيقولي خلاص هو مات انا هروح ارميه في اي حته وقالي انا هامشي من ناحية شركة الكهرباء في السلام، وقالي هارميه في آخر الشارع في حتة ظلمة ، ولما عشيقي نزل بالجثة قفلت باب الشقة وشغلت القران فيها وبعدين دخلت الاوضة التانية صحيت مريم وانا كنت خايفه اقعد في الشقة وبعدها كلمت منال اخت جوزي وقلتلها سامح نزل من الساعه 12 ومعرفش حاجه عنه وبعدها ذهبت الي قسم الشرطة بصحبة أحد أقارب زوجي، وتحدثنا مع ضابط شرطة ، هنا لم تمر سوا دقائق معدودة وفوجئت بشخص بيقولي ان جوزك مات عثرنا عليه مقتول ومرمي في مقلب زباله، مر يوم تلو الاخر وتم القبض عليه بتهمة الاشتراك في قتل جوزي .