EN 
أعلنت خلال الساعات الماضية الفنانة اللبنانية دينا حايك عن إصابتها بمرض سرطان الثدي منذ 6 أشهر، أنها اكتشفت إصابتها بسرطانالثدي من الدرجة الثالثة.
وفي سياق متصل قالت الدكتورة نجلاء عبد الرازق، أستاذ الأشعة التشخيصية والتداخلية بطب قصر العينى، عبر حسابها الرسمي على موقع التواصل الاجتماعي فيس بوك،:" أن سرطان الثدي اهم سرطان يصيب السيدات و يعتبر العامل الوراثي اهم العوامل المسببه للمرض! بمعني وجود استعداد جيني و مش شرط نعمل التحليل علشان نعرف لكن تاريخ العيله بيبين."
أضافت:"الجينات المسببه للسرطان هما اتنين أساسيين اسمهم BRACA1& BRACA2
الاول بيحمل استعداد لسرطان الثدي و القولون و المبيض و الجين التاني بيحمل الاستعداد للثدي و البنكرياس و البروستاتا ! ده معناه ايهان ظهور اي انواع من السرطانات دي في العيلتين يعني عيله الاب او الام معناه استعداد سرطان الثدي ! و عائلة الاب مهمه ذي عائلةالام يعني عمتك قريبتك عادي و عمك كمان ..لان الصفات الوراثية المحمولة علي الجينات بناخد نصها من ناحيه الاب و نصها من ناحيه الام! ."
تابعت:"الناس بقي اللي عندها استعداد وراثي في العيله يعملوا ايه ؟ الكشف الدوري و نحط مليون خط تحتها و بيبدأ من سن الأربعين اوقبل اصغر واحده جالها سرطان بعشر سنين لان هدفنا نشوف قبل ما يحصل ، نسبقه يعني ! الكشف بالماموجرام و لكن لو اضطرينا نبدأقبل سن الخمسه و عشرين هيبقي موجات فوق صوتيه علي الثديين ! ده كل سنه و التوصيات العالميه كمان بتحط الرنين المغناطيسي في الكشف الدوري في حال هنبدأ في سن مبكر او في حال الثدي الكثيف ( يعني اللي اغلبه غدد و الدهون قليله )."
