EN 
أعلنت الفنانة اللبنانية دينا حايك خلال الساعات الماضية عن إصابتها بمرض سرطان الثدي منذ 6 أشهر، مؤكدة أنها اكتشفت إصابتها بالمرض من الدرجة الثالثة بالصدفة.
وفي هذا السياق قالت الدكتورة نجلاء عبد الرازق، أستاذ الأشعة التشخيصية والتداخلية بطب قصر العينى، عبر حسابها الرسمي على موقع التواصل الاجتماعي فيس بوك:"ستات كتير بتسالني كل يوم هل في علاقه بين عمليات التجميل في الثدي وسرطان الثدي؟ و إجابتي لا طبعا اتطمنو!."
كتبت الدكتورة نجلاء عبد الرازق:" اولا عمليات التصغير او الرفع ممكن يؤدي
إلي تقليل نسبه احتمالات حدوث السرطان لان الجزء اللي هيتشال التصغير ممكن ده اللي كان هيجي فيه السرطان و غالبا بيشيلو ربع الثدي الأعلى لان احتمالات حدوث المرض في هذا المكان بالنسبه لباقي الثدي خمسين في الميه ده معناه قلة احتمالات الإصابة مع التصغير خمسين في الميه."
تابعت:" نيجي للتكبير ! لايوجد علاقه بين المرض و الجهاز الذي يوضع للتكبير وهو عباره عن كيس يحتوي على سيليكون او محلول ملح و جيل ! و لكن لابد من فحص الثدي بالموجات الصوتية و الماموجرام و الرنين المغناطيسي لان وجود التكبير سوف يقلل من اهميه الفحص الذاتي او مش هتبقي حاسه كويس كل الثدي دي كل الحكايه، فعلشان كده لازم نعمل الفحوص."
أضافت في منشورها على الفيسبوك:" لكن كمان نصيحه قبل اجراء اي عمليه سواء تكبير او تصغير لبد من عمل فحص قبلها ماموجرام و سونار عشان لو في حاجه محتاجه تتشال بالمره اثناء الجراحه حتي لو ورم حميد و كمان الفحص هيساعد دكتور التجميل في قراراته! اغلبهم طبعا بيطلبو الفحص قبل العملية."
