EN 
قال الشيخ خالد الجندى، عضو المجلس الأعلى للشئون الإسلامية، إن البعض يشكك أن أغلى مهر فى التاريخ كان لسيدنا موسى عليه السلام، بخدمته 10 سنوات، فى مشقة وتعب، لافتا إلى أن كل التفاسير أجمعت على أن سيدنا موسى أتم 10 سنوات كمهر لزوجته.
وتابع الجندى، خلال حلقة برنامج "لعلهم يفقهون"، المذاع على فضائية "dmc"، اليوم الأربعاء: "يطلع واحد يقولك ده مش أغلى مهر، أغلى مهر كان بتاع الروميساء، لأن مهرها كان أن زوجها أسلم، ده مش أغلى مهر ولا حاجة ده خدها ببلاش، مش عشان أسلم، لو هنزايد على بعض يبقى أغلى مهر دفعه سيدنا النبى محمد صلى الله عليه وسلم، عندما اختارته السيدة عائشة لأخلاقه، وأنك لعلى خلق عظيم، يا صاحب الرسالة معاك للصبح لو العملية وعظ".
استكمل: "أنا أقصد أن أغلى مهر فى العناء والمشقة، ويطلع واحد يقولك ده لو هياخد فى الشهر ١٠ آلاف جنيه، يبقى المهر كله مش هيكمل مليون و١٠٠ ألف جنيه، ربنا ما يحكمكم فى شيخ ولا نبى، بقولك الراجل اشتغل ١٠ سنين أشغال شاقة، والناس عندها جرأة بدون علم".
وفند الجندى، أسباب أن سيدنا موسى، قضى ١٠ سنين "أشغال شاقة'، قائلا: "من أهم مراجع القصص القرآنى فى العالم، ولقد قضى موسى ١٠ سنين من حياته فى البر والصحراء يتابع الأغنام يتعرض للحر والريح والنصب، وما يبذل من الجهد المشقة والمعاناة، اهو ١١ وصف لمشقة سيدنا موسى، يعنى انت هتتزوج وتعيش فى المشقة والتعب ده لمدة ١٠ سنين، وتقولى فى أغلى من كده مهر ".
