EN
توجهت الفنانة شيرين عبدالوهاب ببعض النصائح للفتيات، وذلك بعد أزمتها الشهيرة مع المطرب حسام حبيب، وعبرت عما بداخلها قائلة: “بقول للناس حقكم عليا أنا آسفة.. أكيد عندكم حاجات تاني أهم من جوازتي السودة دي”.
أزمة شيرين عبدالوهاب مع حسام حبيب
ووعدت شيرين عبدالوهاب متابعيها بأنها “سترجع شيرين اللي ضيعتها بالجوازة دي"، ونصيحتها كانت للفتيات : "خليكم طيبين وقنوعين، ولبناتي آخر حاجة تفكروا فيها الجواز، هم عارفين مين مامتهم مكانوش عارفين يشموا نفسهم إلا لما مشي هو من البيت”.
وتابعت شيرين عبدالوهاب، خلال مداخلة هاتفية في برنامج "كلمة أخيرة" الذي تقدمه الإعلامية لميس الحديدي على شاشةON: "أنا غلطت في نفسي، لكن مش عيب إن الست المشهورة تكون متجوزة وبتحاول تحافظ على بيتها.. كنت فاكرة إني بحافظ على بيتي لكنه مكنش بيت، دي كانت مصيدة فئران.. أنا كنت عايشة عيشة الفار اللي دخل مصيدة فار علشان ياكل حتة جبنة لغاية ما يموت".
وأوضحت شيرين عبدالوهاب عن مظهرها بعدما قامت بحلاقة شعرها : "تأذيت من نفسي أني طلعت أغني وشكلي كده بس أنا قوية وبتحمل ومكنش فيه حاجة ممكن أعملها عشان بناتي".
وواصلت شيرين عبدالوهاب: "لما رجعنا بعد الطلاق البائن نقض عهده وعاد لممارساته مرة أخرى وبدأوا البنات يشوفوا نفس الخناقات ونفس التصرفات وكان بيدخل في كل شيء وكل صغيرة وكبيرة لأنه إنسان فاضي معندوش شغل.
وأكملت شيرين عبدالوهاب: “كرهني في عيشتي وبناتي .. وقت حلاقتي لشعري هو السبب فيها جالي في فندق الفورسيزون وقتها وأتخانق معايا وصالحني وقلت له إمشي دلوقتي لحد ما أهدى لكنه أصر على البقاء وقال لي إنزلي معايا دلوقتي للمأذون عشان نطلق وقلت له يعني أنا شيرين عبد الوهاب أبقى نازلة في أوتيل أنزل بقميص نوم عشان أتطلق.. طيب ماتروحي عند أمك تجيب المأذون في الاوتيل أو تقف زي الرجالة وتقوللي إنتي طالق وتمشي لكنه رفض وظل يستفزني لحد ما حلقت شعري بالماكينة”.
وجددت الحديدي السؤال لشرين عبدالوهاب: إنتي بتحبيه ولا لأ؟ لتجيب ساخرة: حبته عقربه ما تقوم منه أنا في حياتي لم أتعرض للاذى من أي شخص مثلما تعرضت لذلك معه.. ده إنسان قلبه إسود وفاضي وبيغتاب كل الناس ولو كنتي إنتي يا لميس صاحبتي كان اتهمك إنك بتحاولي تفرقي بيني وبينه.
