هاجمت الفنانة شيرين عبد الوهاب، المطرب حسام حبيب، مؤكدة أنها لابد أن تذهب إلى الطبيب لكي تعالج من آثار زواجها من حسام حبيب لأن حبه سام "توكسيك"، مثل السرطان لابد التخلص منه.

وقالت "شيرين" خلال مداخلة هاتفية مع الإعلامية لميس الحديدي ببرنامج "كلمة أخيرة" المذاع على قناة "ON": "أنا ست بخلف وزي الفل، وانا عايشة معاه 4 سنين وماخلفتش علشان ربنا حاميني والناس بتدعيلي".

وأضافت "شيرين":"لو كنت أدمنت الأدوية وتعبت ده علشان عشتي وحياتي معاه، وكنت زي البدر، وهو أخد أكتر من حقه بكتير، وأقول له فوق يابني، وخرجت من العلاقة دي بالوكسة والحسرة والندم، وعملت محضر بعدم التعرض ليا ولأولادي لأنه إنسان خطر عاطل عن العمل، وهو سرق السيارة وأنا عايزة حقي".

تنمر عليا وقالي تخنتي وبقيتي شبه أمك

كشفت الفنانة شيرين عبدالوهاب تعرضها للتنمر من قبل حسام حبيب، قائلة : "بعد ما عمل كل ده الاقيه بيتهمني ويتنمر عليا ويقلي تخنتي وبقيتي شبه أمك وأنا عاوز واحدة أتباهى بيها قدام الناس تبقى حلوة ورفيعة وكلام من ده بخلاف الخناقات التي تعرضت فيها للضرب والسحل على الأرض وشتيمة عمر مافي إنسانه تقلبها على نفسها ".

وأضافت "شيرين": "لما تم طلاقي رجعتله وأدي فرصة أخرى بشروط وأن يكون هناك مختلف عن بيت الزوجية وأن لا يتعرض البنات لحالة نفسية سيئة وكان بيتردد على بيتي عشان فيه استديو تحت البيت وقتها وبينا شغل وحاولت أهيأ البنات أنه مازال موجودًا لحد ما تلاشت الوعود مجدداً ورجعت المشاكل وقلة الأدب ترجع بلا سبب".

وأكملت "شيرين": "أنا عندي مشكلة إني لما بتعصب بوصل لليفل صعب ممكن أذي نفسي ودكتوري اسمه محمود مرسي ممكن تكلموه تسألوه ونصحه بتركي لفترة حتى ولو ربع ساعة أو أني أدخل أوضتي شوية لحد ما أهدى لكن هو أصر في كل خناقة يفضل قدامي يحرق في دمي وأعصابي لحد ما أمسك الماكينة وأحلق شعري".