EN 
قال الرئيس عبد الفتاح السيسي، إنه كان هناك حائط صخري سبباً في عدم إتمام مشروع توشكى، حيث تسبب في وقف زراعة 300 ألف فدان خلال الـ 20 سنة الماضية، مشيراً إلى أن وزارة الري عندما درست هذا الأمر أيضاً، وجدت أن هذا يحتاج إلى 3 ملايين طن من المفرقعات لتفجير الحائط الجبلي .
وتابع السيسي، خلال افتتاح المشروع القومي توشكى الخير: «كل ده بكام بقى! .. ما هو الكلام كله على التمويل .. ده بالإضافة إلى الخامات والتشغيل والحفر والتفجير ونقل المخلفات وتبطين الترع».
وتابع الرئيس: «انت بتقطع في جرانيت 9 كيلو بعرض تحت 20 متر، وفوق 20 متر .. علشان نعبر المياه طبقا للتخطيط»، مضيفا : «إحنا معملناش حاجة أكتر من اللي وزارة الري كانت مخططاه .. ده شغل الدكتور كمال الجنزوري اللي كان مخططه».
حائط صخري
وأكمل الرئيس السيسي: «أنا لما اتعرض عليا مشروع توشكى من 3 سنين .. قلت لـ اللواء توفيق سامي توفيق، رئيس الشركة الوطنية لاستصلاح وزراعة الأراضي الصحراوية، المنطقة دي إيه! .. قالي ده فرع 4 .. قلتله مالها! .. قالي فيه حائط صخري جرانيت مانع دخول المياه .. قلتله طب ينفع كده أو ينفع كده .. ملقيناش حل غير إننا نعدي منها بعد التفجير.. وأنا بالنسبالي العبور مفيش أسهل منه .. قلتله يتعمل فوراً».
