صدى البلد
رئيس التحرير

الزوج القاتل أنكر الجميل.. ساندته زوجته وسددت القرض فعذبها وقتلها

ارشيفيه
ارشيفيه

لم يرحم ضعفها ولا بكاءها  وصراخها ونسى انها ام اولاده التى تحملت كل الشقاء من اجلهم  ونسى انها من ساندته فى  ازماته فهو عاطل لا يعمل كل ما يريده المال، كانت  تعمل من  اجل ان تنفق عليه وعلى ابناؤه اما هو كرجل فليس وراءه سوى تعاطى المواد المخدرة وبدلا من  ان ينفق  عليها  هى واولاده كانت هى التى تنفق  على زوجها واولادها، كانت تكافح وتعمل لتحصل على مال حلال وكان رد الجميل ان لقت مصرعها على يد زوجها الذي انكر  فضلها عليه حيث ساندته ايصا فى ازمه القرض  وسددته وحاول معها من جديد ان تضمنه فى قرض اخر فرفضت فعذبها وضربها بعنف حتى فاضت روحها.

عم الحزن قريه نشا التابعه لمركز نبروه بمحافظه الدقهليه عقب وفاه الفقيده"  نوسه"  ٢٥ عاما صاحبة الخلق الطيب حيث يحبها  اهل قريتها لكفاحها بشرف حيث عملت  بائعة خضار وعملت فى اكثر من  عمل  حتى تاتي بالمال لكى تنفق على زوجها وعلى اطفالها ولكن الزوج كان قاسيا ورد الجميل بانه تزوج زوجة ثانية لينفق عليها من مال زوجته الاولى التي كانت تعمل وتكافح  من اجل الحصول عل المال.

تقول   الحاجة " طاهره"  والدة الفقيده بنتى كانت  بتصرف عليه الجبان،  مش عاوزها كنت طلقها كان وديها عندنا كنت قلت  ليها روحي اقعدي عند امك  ليه قتلتها ليه يا ظالم يا جاحد يا ناكر المعروف دى كانت بتصرف عليك ورحت رديت جميلها واتجوزت عليها واحده ثانيه يا خاين حسبي الله ونعم الوكيل فيك ربنا ينتقم منك انا عايزه حق بنتي بنتى الغلبانه الطيبه اللي كانت مستحمله المر عشان ولادها ورغم كده وقفت معه وقال لها انا عايزه اعمل قرض ضمنته وفي الاخر هو ما دفعش حاجه و هي اللي راحت سددته وطلع تاني وقال لها انا عايز اعمل قرض جديد لما رفضت نزل فيها ضرب وقعد يعذب فيها كان يوم   ويضرب فيها ويبهدل فيها منك لله ياظالم انا عايزه حق بنتي من المجرم ده ده مش بني ادم هاتوا له حق بنتي"

وقالت شقيقتها" هبه "اختى كانت مظلومه في الجوازه دي في العيشه معاه ، كل ما اقول لها تعالي اقعدي عندنا وسيبيه طالما هو بالاخلاق دي تقول لي ابو عيالي،  ما اقدرش اسيب عيالي بقت تبيع خضار واتمرمطت وتشتغل  عشان تصرف على واحد ما عندوش ضمير ولا عنده اخلاق ولا عنده انسانيه قلنا لها تعالى وسيبيه ما تقعديش معاه كانت خايفه على بيتها،   وتقولي انا عايشه عشان اولادي خانها وراح اتجوز عليها واحده ثانيه كان بياخذ فلوس اختي ويروح يصرف على مراته اللي ما عندوش قلب،  حسبي الله ونعم الوكيل فيه انتقم منه يا رب يا رب انا عايزه حق اختي انا عايزه حق اختي"
وقال الحاج محمد احد جيران الفقيدو نوسة كتب انت طيبه وجدعه وخدومة وكل الناس بتحبها ما شفناش منها حاجه وحشه،  اتجوزت واحد ما ينفعش ليها واحد مفتري كانت تصرف عليه وتقول انا عايزه اعيش عشان ولادي وفي الاخر قتلها كان بيعذبها كل يوم و يضرب فيها ويبهدل فيها وكانت بتستحمل ، احنا عايزين حق الغلبانه دى  من قاتل لا عنده ضمير ولا اخلاق مجرم  مش بنى ادم".
وتمكن ضباط  مركز شرطة نبروه بمحافظة الدقهلية من كشف لغز مقتل سيده بقرية نشا بالدقهلية حيث تبين ان الزوج هو القاتل .

ورد اخطارا لمديرية امن الدقهلية من مركز شرطة نبروه، بورود بلاغ من مستشفى نبروه المركزي بوصول"نوسة م ز ، 29عامًا، من قرية نشا دائرة المركز، جثة هامدة حيث وجد أثار ضرب وتعذيب على جسدها.

أنتقل ضباط مباحث مركز شرطة نبروه ، الى مكان الواقعه وبسؤال اسرة المجنى عليها اتهموا  زوجها ويدعي "س ع. ا."، 37 عاما عاطل، بقتلها.

وأكدت أسرتها أن الزوجة سبق وأن ضمنت زوجها في قرض منذ فترة، إلا أنه رفض سداده وتضامنت أختها معها حتى تمكنوا من سداده، إلا أن الزوج طلب منها منذ 10 أيام أن تضمنه في قرض جديد فرفضت فضربها وعذبها حتى لفظت انفاسها الاخيرة

بتقنين الإجراءات تمكنت قوة من ضباط مباحث المركز من إلقاء القبض عليه وبمواجهتة اعترف بإرتكاب الواقعة وتعديه علي زوجتة بالضرب ، بسبب رفضها الحصول علي قرض وأحضر لها طبيب إلا انها لفظت انفاسها الاخيرة.
 

فيما أمر النيابة العامة بنقل الجثة إلي مستشفى المنصورة الدولي، وانتداب الطبيب الشرعي لتشريحها وبيان سبب الوفاة وحرر محضرا بالواقعة.