EN
قدم الفنان محمد رمضان، حلقة اليوم من برنامج " مدفع رمضان " المذاع على قناة " دي إم سي" ، من شوارع محافظتي القاهرة والجيزة .
محتاجة أكسب يا رمضان
وقال محمد رمضان:" قلنا مين هيقولنا 5 امثلة شعبية واللي هيقولهم هيكسب معانا 100 ألف جنيه ".
وقابل محمد رمضان سيدة، وسألها ، :" انتي حافظة 5 أمثال شعبية"، وردت السيدة:" أنا محتاجة أكسب يا محمد يا رمضان".
ورد محمد رمضان :" انتي كسبتي معانا، وتابعت السيدة، :" بعض الناس بتقول الكلام ده كدب ومحمد رمضان مبيديش فلوس لكن انا كسبت اهو".
عزة نفس سوري
وقال محمد رمضان:" قابلنا راجل سوري عنده عزة نفس كبيرة وهو رجل يعمل رغم ظروفه الخاصة".
وأدار محمد رمضان حوارا مع مواطن سوري:"تحياتنا لأهل سوريا الغاليين وأهلا بيكم في مصر.. وسوريا ومصر واحد.. انت كسبت معانا".
ورد السوري :" لا أنا مش عايز فلوس.. ودي الفلوس دي على الجامع".
وتابع محمد رمضان :" أنا هشتري منك حاجتك دي كلها وخد الفلوس ".
سيارة الفرحة
جابت سيارة الفرحة التابعة لمدفع رمضان المحلة الكبرى، للتعرف على أحلام المصريين هناك.
وحقق محمد رمضان حلم مواطن من المحلة طلب سيارة .
وقال محمد رمضان :" الف مبروك العربية وهنجبلك عربية حلوة.. وأكيد مش هنفاجئك ونجيب عربية بطاطا أو لعبة".
200 ألف جنيه لسيدة من بورسعيد
منح الفنان محمد رمضان، خلال حلقة اليوم من برنامج "مدفع رمضان"، المذاع عبر قناة "دي إم سي"، جائزة لرقم هاتف عشوائي.
واتصل رمضان، على الهواء بصاحب رقم الهاتف كي يبلغه بفوزه في برنامج “ مدفع رمضان”، بمبلغ قيمته 200 ألف جنيه.
وقال محمد رمضان لسيدة: رقم حضرتك كسب معانا 200 ألف جنيه، وردت السيدة:" طب يا سلام شكرا هما فين الـ 200 ألف جنيه".
وتابعت السيدة: "انت بتكلم جد ولا بتهرج.. بالله عليك انت محمد رمضان ".
ورد محمد رمضان : " والله أنا الممثل محمد رمضان.. وانتوا صحاب فضل كبير عليا".
مدفع رمضان
يواصل الفنان محمد رمضان تقديم برنامجه "مدفع رمضان"، الذي يُعرض على قناة DMC، مؤكدًا أن هدفه الأساسي هو تحقيق أحلام الجمهور، سواء من خلال الجوائز المالية أو المفاجآت المختلفة.
وقال رمضان: "اللي محققش حلمه بنحققهوله بفلوس أو بحاجات تانية".
