EN
علق الفنان أحمد العوضي، على مسلسله " فهد البطل " المقرر عرضه في شهر رمضان الكريم .
وقال أحمد العوضي في مداخلة هاتفية في برنامج " الحياة اليوم " المذاع على قناة " الحياة "، :" الجمهور عجبه برومو المسلسل والفرحة دي بتأكد إن الناس متحمسة للمسلسل ".
وتابع أحمد العوضي :" بقول على الجمهور إخواتي وهما عندي أهم ناس بحب أخد رأيها ولما بنزل أي حاجة بحب أسمع لتعليقات الجمهور لانها مؤشر حقيقي لنجاح أي عمل ".
وأكمل أحمد العوضي :" بعمل ميكس صعيدي على شعبي في مسلسل فهد البطل والناس هتعرف من أحداث المسلسل التركيبة دي جت إزاي وكان كل همي إني اعمل حاجة اعلى من مسلسل حق عرب اللي نجح العام الماضي ".
ولفت أحمد العوضي :" قصة مسلسل فهد البطل ملحمية وفيها دراما جديدة وبتناول الحكاية الشعبي من زاوية مختلفة وأكون حريص على تقديم حكاية جديدة ".
وتابع أحمد العوضي :" أنا بحاول اتكلم في أعمالي بالسان الحقيقي المتواجد في الشارع ".
