EN
قال أمير عزمي مجاهد المدرب العام السابق بنادي الزمالك، إنه كان على علم بقرار الإطاحة بكريستيان جروس مدرب الأبيض السابق، قبل مباراة فاركو في الدوري المصري.
وأضاف أمير عزمي مجاهد خلال تصريحات فضائية عبر شاشة «إم بي سي مصر 2»: "قبل مباراة فاركو في الدوري المصري اللي اتلعبت في برج العرب، عرفت إن جروس ماشي خلاص ولو أنا مش حريص على الزمالك كنت قولتله وقتها، لكني استنيت وعرفته، وهو رد فعله كان هادي، وقالي إنه كان عاوز يلاعب الأهلي، علشان كولر كان لاعب في فريقه قبل كدة".
وأضاف: "الكلام على ميكالي والمدربين المرشحين؟ كنت عارف من قبل ما جروس يمشي، وطلبت من كابتن حسين لبيب يطلع يوضح للناس الموقف، وقالي بعد يوم 8 فبراير هاطلع اتكلم وده ما حصلش".
