الدنيا ملخبطة.. شوبير يحذر من خطر قديم يهدد الدوري مجددا هذا الموسم

كشف الإعلامي أحمد شوبير حارس مرمى الأهلى ومنتخب مصر السابق عن خطر قديم عاد لتهديد الدوري من جديد في الموسم الجاري على الرغم من تغيير نظام المسابقة.

وقال أحمد شوبير في تصريحات إذاعية : “بدأت أقلق على بطولة الدوري هذا الموسم مرة تانية لأننا مش هنلعب غير جولة واحدة في شهر مارس وبعد كده مفيش دوري”.

وأوضح أحمد شوبير: “هتقول لي تقلق ليه يا عم ما الدنيا مريحة، هقول لك الدوري كده احتمال يقف في شهر مارس كله يدوب جولة لغاية يوم 5 مارس وبعد كده يقف وهيكون فيه مباريات كأس مصر لغاية نصف النهائي”.

وتابع شوبير: “بعد كده فيه أجندة دولية من يوم 17 ليوم 25 عشان فيه مباريات لمنتخب مصر مباراتين مهمين جدا أمام أثيوبيا وسيراليون، هتقول لي أثيوبيا مهمة يا كابتن، اه أي مباراة بالنسبة لي مهم أثيوبيا دي قبل كده كسبتنا 2-0 وهددتنا بالخروج من بطولة افريقيا، لكن لو كسبنا المباراتين دول هنكون بنسبة 80 في المائة في كأس العالم”.

وأضاف شوبير: “بعد نهاية الأجندة الدولية نقول مثلا 3 أيام وترجع على نهاية مارس يعني، وبعدها هتكون مباريات للأندية الأهلي والزمالك والمصري وبيراميدز في دوري أبطال أفريقيا والكونفدرالية من أول أبريل حتى 10 أبريل فالدنيا مش واضحة والدنيا ملخبطة بالنسبة لبطولة الدوري”.