EN
مي الغيطي .. تصدر اسمها خلال الساعات الماضية مؤشرات البحث، وذلك بعد أن أعلنت عن تعرضها لحادث مروع في تايلاند قبل 7 أشهر، أدى إلى إصابتها بكسور خطيرة وإصابات داخلية، ما اضطرها للابتعاد عن الأضواء طوال هذه الفترة.
وضحت فيها أنها تعرضت لحادث سير بعدما اصطدمت بها شاحنة أثناء وجودها في سيارة، مما تسبب في كسر بالحوض وإصابات في العمود الفقري، بالإضافة إلى نزيف داخلي وتلف في أعصاب قدمها.
وأوضحت الفنانة مي الغيطي أنها خضعت للعلاج في مستشفى بتايلاند لأسابيع، ثم عادت إلى مصر لاستكمال رحلة التعافي وسط دعم عائلتها.
تفاصيل حالة مي الغيطي الصحية :
وكتبت مي الغيطي، في التعليق على الصور: «في ناس كثيرة بتسألني أنا كنت مختفيه ليه، من 7 شهور كنت في حادثة حصلت في تايلاند، اتخبطت بعربية نقل في العربيه اللي كنت فيها، واتصبت إصابات بالغة، حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي».
وتابعت مي الغيطي: «قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم، مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط».
وأضافت مي الغيطي: «بعد علاج طبيعي فترة وكل شوية نكتشف حاجة جديدة أنا دلوقتي أحسن بكتير جدا الحمدلله ودي حاجة محدش كان متخيلها بعد فتره نسبيًا قليلة، حاسة إني كنت عايزة أشارك ده دلوقتي عشان اقول أن الجسم عنده قدرة رهيبة على الشفاء.. أقوى بكتير مما نتخيل وأن التعافي بياخد وقت، بس بييجي. لو إنت بتمر بوقت صعب».
واختتمت مي الغيطي: «أرجوك كون صبور مع نفسك عشان عدم فقدانك إيمانك انك هتكون احسن بجد بيفرق في قدرتنا على تحمل الصعاب».
مي الغيطي تعتذر عن الظهور مع رامز جلال :
اعتذرت مي الغيطي خلال الفترة الماضية عن تقديم أي أعمال فنية، كما علم صدي البلد أنها اعتذرت عن الظهور فى برنامج رامز جلال هذا العام، خاصة وأنه يعتمد علي نوعية برامج المقالب.
