الموضوع طول وبوخ.. ميدو يطالب إدارة الزمالك بحسم موقف زيزو

تحدث أحمد حسام ميدو نجم الزمالك السابق عن حال القلعة البيضاء الحالي مطالبا النادي بضرورة دفع مستحقات لاعبي الأبيض وعمل صفقات جديدة.

وكتب ميدو عبر حسابه الشخصي بموقع التواصل الإجتماعي “ إكس” :

“الزمالك محتاج نمره ٦ جامد بيعرف يحمي قلوب الدفاع ويعرف يغطي الأظهره بشكل جيد لما بيتقدموا مدافعين الزمالك متعريين بلغة الكورة.. الأولويات التخلص من اللاعيبة اللي بتكلفك فلوس ومش بتستفيد منهم دفع مستحقات اللاعيبة والتعاقد مع مساك جامد ولاعيب نمرة ٦ تقيل عنده خبرة وجناح شمال جامد وأخيرا حسم موقف زيزو في أسرع وقت ممكن”.

وكتب أيضا: “خلاصة حال ⁧‫الزمالك‬⁩ اللاعيبة دي مش هتلعب 100 ال 100 إلا لما ياخدوا مستحقاتهم مش هتاخد من اللاعيبة الروح والشراسة والإصرار على المكسب إلا لما ياخدوا مستحقاتهم وبصراحة اللاعيبة دي اكتر لاعيبه استحملت في مصر لكن أنا ماقدرش أحاسب حد مابديلوش حقوقه غير ان موضوع زيزو طول وبوخ وليه تأثير كبير على استقرار الفريق لازم deadline لنهاية موضوع زيزو اما الرحيل او البقاء”.

ويستعد فريق الزمالك لمواجهة الجونة، المقرر لها يوم الاثنين المُقبل في الجولة العاشرة من مسابقة الدوري الممتاز والتي ستقام باستاد القاهرة الدولي.

جدول ترتيب الدوري المصري:

1- بيراميدز..20 نقطة
2- الأهلي..19 نقطة
3- الزمالك..17 نقطة
4- سيراميكا كليوباترا..16 نقطة
5- المصري..15 نقطة
6- البنك الأهلي..14 نقطة
7- زد..13 نقطة
8- بتروجيت..13 نقطة
9- الإسماعيلي..12 نقطة
10- فاركو..11 نقطة
11- طلائع الجيش..11 نقطة
12- الاتحاد السكندري..10 نقاط
13- حرس الحدود..9 نقاط
14- سموحة..8 نقاط
15- غزل المحلة..8 نقاط
16- إنبي..7 نقاط
17- مودرن سبورت.. 7 نقاط
18- الجونة..6 نقاط