الزمالك عن الصفقات الجديدة: عندنا أولويات

كشف أحمد سالم، المتحدث الرسمي لنادي الزمالك، تطورات الأمور في القلعة البيضاء، وموقف النادي من ضم صفقات جديدة، خلال فترةالانتقالات الشتوية الحالية.

وقال سالم في تصريحات عبر برنامج الكورة مع فايق :"فيه تواصل بين كابتن حسين لبيب وجروس بخصوص الصفقات والنادي لسه محسمش احتياجاته، وبصمات جروس بدأت تظهر على الفريق»، مضيفًأ: «موضوع الأولويات هو الواقعي والمنطقي ودائما جمهور الزمالك عاوز الأفضل والأحسن".

وتابع: "المجلس بيكون عنده أولويات زي سداد المستحقات وملف التجديد وبعدها الصفقات لو سمحت الظروف زي ما حصل يناير اللى فات".

وأوضح: "المجلس لسه محسمش حاجه علشان لم يتم الإعلان. معندناش صراعات أو مشاكل في أوضة اللبس، يمكن أوضة اللبس هيالأفضل في مصر وفيه روح حلوة، واللي بيتكتب من وحي الخيال".

وأضاف: "فكرة إن أنا أخد قرض بضمان العضويات ده موضوع عادي جدا، طالما فيه حاجه مضمونة تسد بيها القرض ده عادي، وحتى الآن مفيش معلومة رسمية ولو فيه معلومة هنعلن".

وأتم: "الزمالك ميفرقش معاه أي منافس لانه فريق بطولة".