EN
«دمرت حياتي ومستقبلي».. هذه العبارة التي أطلقتها الإعلامية ريهام سعيد بعد فشل عملية تجميل أجرتها على يد طبيب تجميل وهو ما تسبب في تشويه وجهها وتقديمها بلاغ للنيابة والتي قررت اليوم السبت إحالته للمحاكمة الجنائية، وفي هذا التقرير يوضح صدى البلد القصة الكاملة لتشويه ريهام سعيد على يد طبيب تجميل بعد إحالته للمحاكمة
دمرت حياتي ومستقبلي
في تطور لأزمتها مع طبيب التجميل اللبناني نادر صعب الذي تتهمه بتشويه وجهها، حذفت الإعلامية المصرية ريهام سعيد جميع صورها من إنستغرام.
ووجهت رسالة مؤثرة للطبيب تتهمه فيه بتدمير شخصيتها وهويتها وجمالها، مؤكدة أنها لم تعد تشعر أنها امرأة أو ترغب في عمل أي شيء، على حد تعبيرها.
ودعت ريهام أن يرزقها الله بطبيب يحييها بعد أن أماتها طبيب آخر، لافتة إلى أنها لا تتوقع بقاء متابعيها بعد أن أصبحت مشوهة.
وقالت ريهام سعيد "نادر صعب.. أنت دمرت حياتي.. ده ولا عشان ميديا و لا قضايا، أنت لازم تعيش وأنت فاهم انك دمرت حياتي ومستقبلي.. أنا مسحت الصور القديمه لأني مش قادره أشوفها و أشوف أد إيه أنت دمرتني و أد ايه أنا كنت جميلة، و لا قادره أشوف صوري الجديده لأني مشوهه و مش أنا ".
ووجهت عدة أسئلة للطبيب اللبناني قائلة "قريت تقرير الطب الشرعي؟ قريت إن فيه خطأ طبي؟ قريت اني مشوهه؟ حسبي الله و نعم الوكيل فيك".
وأضافت "أنا و لا حاسة إني ست ولا حاسة إني عايزه أعمل حاجه.. أنا انتهيت وأنت السبب . قالوا لي ماتمسحيش كل الصورعلشان هاتخسري متابعين، طب أعمل إيه وكل شيء ضاع ..هايتابعوا واحده مشوهه ؟؟؟ ليه ؟؟ ".
وتابعت "أنا كده كده خسرت هويتي بعد ما ضيعت عينيا، مفيش أغلي من كده أخسره . ماعداش يوم من غير ما ابكي من الحزن علي اللي أنت عملته فيا".
وختمت: "يا رب يارب يرزقني بدكتور يحييني بعد ما نادر صعب موتني".
7 اتهامات لـ نادر صعب
قالت ريهام سعيد، في تصريحات إعلامية : «بطل يجيلي عروض تمثيل، لأن اللي بيتقال على ريهام سعيد دلوقتي إن وشها بايظ، مبقاش عندي شغف أو طموح عشان أحقق حاجة في التمثيل، بلبس نظارة الشمس طول اليوم مش عاوزة وشي يبان».
و أضافت: «في قضية هو رفعها بتاعة لبنان، أثبت بالصوت وبالمستندات إن ملهوش أي فلوس، والقاضي طلب من الطرف التاني إثبات إن ليه فلوس، أنا متهماه بـ 7 تهم وباشكر النيابة المصرية على مجهودها في التحقيقات، فات 8 شهور وأنا منتظرة القضية تنزل جلسة، لما أنشر تقرير الطب الشرعي اللي بيقول إن هو أخطأ بعدها مفيش كلام يقدر يتقال».
و تابعت: «مقدرش أطلع رسائل ما بينا تدينه للإعلام عشان مش مسموح ليا، لكن كل دا مثبوت في النيابة إن اتعملي عملية أنا مطلبتهاش، العملية كانت في الخدين مكنتش في العين، وفي رسالة بقوله أنت ليه جيت جنب عنييا قالي أنا اطريت، وبعد العملية بقيت اشوف كل حاجة اتنين».
و اختتمت: «في آخر لقاء بينا في عيادته أنا انهرت من العياط، مفركش يقولي استني هشوفلك حل، وعاملني بمنتهى القسوة ومراته قالت إني بعمل كده عشان أجيب مشاهده».
إحالة للمحاكمة
كشف أمر الإحالة، إن نادر صعب تسبب في تشويه وجه ريهام سعيد بأن أجرى لها جراحة تجميلية نتج عنها ندبة ممتدة من الزاوية الخارجية للعينين أعلى من المستوى الطبيعي وأطول من المتعارف عليه في عمليات التجميل مع رفع الزاوية الخارجية للجفون بدرجة أعلى من المتعارف عليه مع عدم تماثل الجفنين وهو ما نتج عنه ندبات مشوهه بالوجه.
وأضاف أن المتهم أجرى مداخلات هاتفية على القنوات الفضائية أفشى خلالها أسرار المريضة وشهر بتاريخها المرضي، كما وجه إلى المجني عليها عبارات سب وقذف خلال تلك المداخلات.
أول جلسة
قررت جهات التحقيق بالقاهرة، إحالة طبيب التجميل نادر صعب إلى محاكمة جنائية وحددت لها جلسة في مايو المقبل، ووجهت له اتهامات تشويه وجه الإعلامية ريهام سعيد والسب والقذف والتشهير.
