EN
قال عمر مرموش لاعب فريق آينتراخت فرانكفورت، أنه دائما لا يلعب بحذاء جديد في أي مباراة، واستخدام الحذاء الجديد يكون في التدريبات أولا قبل المباريات.
وأضاف عمر مرموش في تصريحات تليفزيونية مع إسعاد يونس في برنامج صاحبة السعادة، الدلع بالنسبالي هو الكلمة الحلوة من أبويا وأمي، وعايش لوحدي في ألمانيا وبدلع نفسي بنفسي وبخرج مع أصحابي بعد المباريات.
وأكمل "أمي كانت بتوصلني للمدرسة وبتاخدني من المدرسة وكانت معايا بشكل مستمر في التمرين، وأبويا كان بيتخانق مع المدرسين بسببي، ولما بدأت أكون مشهور كانت تقولي انت بتاعي أنا وبس.
وتابع:" أخويا هو مثلي الأعلى دايما، وفي الكورة كان رونالدينيو هو مثلي الأعلى، ولكن أخويا هو قبل رونالدينيو، وكان يقدر يكون لاعب كبير ومميز ولكن كان تركيزي في كرة القدم أكبر منه.
وقال: "لا أهتم بلعبه الفانتازي ولكن ألعب دائما لعبة فيفا، والألعاب ليها أهمية كبيرة لأنها بتخليني أفصل عن كرة القدم لوقت معين، ولدي طموحات كبيرة وعاوز يكون عندي براند ملابس كبيرة، وفي كرة القدم أريد أن أكون متواجد مع أكبر الأندية في العالم.
وأضاف: "بحب المزيكا دايما، وبشغل للفريق أغنية أه ياقلبي لحكيم وأغاني شعبي بيحبوها دايما وأنا المتحكم في الدي جي، وبحب السينما وأتحرك بشكل مستمر ويكون عندي هواية تانية غير كرة القدم، وبهتم بالسينما وأكون ممثل.
