EN
انتقد الإعلامي أحمد شوبير حارس مرمى الأهلي ومنتخب مصر السابق مسئولي نادي الزمالك بسبب صفقة البولندي ميشالاك لاعب نادي الزمالك القادم من أحد السعودي.
وقال أحمد شوبير في تصريحات إذاعية : “الحقيقة يا جماعة قصة اختيارنا للاعبين الأجانب غريبة شوية.
وتابع شوبير: "يعني مثلا في الزمالك اللاعب اللي كان جاي من فنزويلا اللي مش فاكر اسمه ده (سامسون) مقدمش حاجة وفلوس كثير والزمالك ما استفدش منه حاجة، نداي مثلا، وعندك في الأهلي والتر بواليا وموديست وأخيرا ميشالاك في الزمالك”.
وأضاف شوبير: “كان المسئول عن المفاوضات مع ميشالاك أحمد سليمان عضو مجلس إدارة نادي الزمالك، بس المشكلة إنك عشمت الناس وقولت ده أعظم العظماء وهيغير شكل الكورة في مصر والزمالك، فالمهم اللاعب جه ولم يوفق والزمالك بيحاول يرجعه دلوقتي لنادي أحد اللي رد وقال إن اللاعب لم يحصل على مستحقاته”.
وتابع شوبير: “طيب عشان يمشي ميشالاك دلوقتي عايز باقي مستحقات عقده 700 ألف دولار، وعشان كده بتمنى ناخد بالنا عند توقيع العقود مع اللاعبين والبنود اللي موجودة فيها”.
وقال: “المهم بقه اللي بقوله يا جماعة ما تعشموش الناس أكثر من اللي بيحصل لإن الناس بتحط آمال كبيرة جدا على الصفقات.، وهتكلم هنا بالأسماء عشان فيه صفقات كثيرة جدا مع الأهلي والزمالك فاشلة”.
