عايدت الفنانة أصالة، جمهورها بمناسبة عيد الميلاد المجيد على صفحتها الشخصية بموقع التواصل الإجتماعي إنستجرام.

وحكت أصالة بمناسبة العيد حكاية عنها مع جارة أمها المسيحية قائلة: “بدي أعايد هالمرة بقصة صار وقت احكيها وهي حكاية عني وعن كتير ناس متلي عاشوها بوطني سوريا بحارتي مع جيراني مع أصحابي منهم قالوا ومنهم احتفظوا فيها، أولها لما كنت بيبي (ومازلت) أمي الحبيبة الله يحفظها لي ياها كانت لما بدها تروح مع أبي مشوار الله يرحمه ويرحم كل الطيبين كانت تتركني عند جارتنا واسمها (أم ڤيكي) ما بتذكرها بس أمي كتير بتحكي لنا عنها ولليوم لسة الحكاية بتنعاد من لطفها وطيبتها ومعناها الحلو وذكراها الطيب وهالست كان عندها بيبي بعمري وأمي بتقول ماكانت موضة البيبرون وكان اللي بتعمله أمي كل أهل سوريا (تقريبا) بيعملوه بطرق مختلفة ، المهم بتقول أمي إنها مرات أمي كانت لما بتتأخر بالمشوار وتقلق وتطلع عند جارتنا ( أم ڤيكي ) تلاقيني رضعت ونمت وتاخدني عالبيت شبعانة ومرتبة ونايمة وتكرر هالموضوع مرات ومرات وبكل مرة نفس الشي ترجع تلاقيني شبعانة ومرتبة ومرتاحة ونايمة ورغم أن أمي الله يحفظها ويحفظ أمهاتكم ويرحم اللي راحوا من بيت متدين محافظ إلا إنها ما قلقت أو ترددت إنها تتركني كم مرة عند جارتنا المسيحية وشارك بنتها نصيبها من حليب أمها وأكون اختها بالرضاعة وهيك كتير من بيوت السوريين بيتشاركوا بحيطان عليها براويز لصور ستنا مريم وحكم لسيدنا علي ابن أبي طالب وحكايا عن عدل عمر بن الخطاب وبطولات صلاح الدين الأيوبي واكتر من هيك..نحن خلقنا وتكون هالمجتمع اللي ما لازم يتغير ولازم نحافظ عليه لانه عنوان للإنسانية والتعايش الحقيقي والطيب وهلأ بقدر اقول كل عيد ميلاد مجيد وانتوا بخير يا أهلنا وحبايبنا وشركاء الحياة ”.

ومن ناحية أخرى تحيى أصالة حفلاً غنائيًا، في قطر يوم 31 يناير الشهر الجارى.