EN
قال الرئيس عبد الفتاح السيسي، إنني أتعامل مع كل الأمور بشرف وأمانة ونزاهة كبيرة، مضيفا أن مصر دولة كبيرة أوي وكل سنة وأنتم طيبين وعيد سعيد علينا كلنا.
وأضاف الرئيس عبد الفتاح السيسي، خلال قداس عيد الميلاد المجيد في العاصمة الإدارية الجديدة، أن قداسة البابا تواضروس له مكانة كبيرة عندي واحترام كبير.
لازم تطمئنوا إني دايما بتعامل مع كل الأمور بشرف وأمانة ونزاهة كبيرة .. لو كان المسئول عنكوا إنسان مش كويس خافوا على بلادكوا .. لو إيده وخده أموال الناس خافوا على بلادكوا .. الحمد الله رب العالمين لا ده موجود ولا ده موجود .. ومصر دولة كبيرة أوي
وتابع الرئيس السيسي خلال كلمته في كاتدرائية ميلاد المسيح خلال الاحتفال بقداس عيد الميلاد بالعاصمة : كل عام والمصريون بخير وسلام ولازم نأخذ بكل الأسباب لحماية بلادنا حجم الوعي والفهم اللي موجود عند المصريين ضخم جدا .. بيخليهم شايفين وفاهمين ومستعدين يتعاملوا مع أي أمر يشوفوه جوا وبره مصر شايفينه كويس جدا.
ناخد بكل الأسباب لحماية بلادنا .. وأولها محبتنا لينا كلنا لبعضنا، مخزون المحبة و رصيد المحبة بين المصريين بيزيد يوم عن يوم .. وده أمر آخر يتحط في الاعتبار .
وحجم الوعي والفهم لدى المصريين حجم ضخم للتعامل مع أي أمر ونتعامل مع الأمور بشرف وأمانة ونزاهة
وقال الرئيس السيسي ك كل عام ومصر بخير وسلام.. فيه حاجات كتير بنعملها محدش بيأخذ باله منها، وإحنا مش ناسيين إن فيه رب وربنا يحفظنا كلنا.. يمكن حد يفتكر أو ينسى مع الظروف إن الأمور مش ممسوكة.. مش بينا إحنا البشر لا برب البشر.
وتابع الرئيس السيسي : عام سعيد، وتكون السنة دي أفضل من السنوات اللي فاتت، وأنا بتابع كل الأمور وبشوف كل ردود الأفعال من القلق .. والقلق قد يكون مبرر.. انتم لازم تعرفوا انا بكلم الدنيا في مصر وبرة مصر من خلالكم وان شاء الله السنة دي تكون أفضل من السنوات اللي فاتت.
وأرسل الرئيس عبدالفتاح السيسي، رئيس الجمهورية، برقية تهنئة لأعضاء الجالية المصرية القبطية في الخارج، بمناسبة حلول عيد الميلاد المجيد في السابع من يناير.
وفيما يلي نص رسالة التهنئة الموجهة من رئيس الجمهورية:
الإخوة والأخوات أقباط مصر بالخارج، يسعدني أن أبعث إليكم بأخلص التهاني القلبية وأصدق التمنيات بمناسبة الاحتفال بعيد الميلاد المجيد.
وأغتنم هذه المناسبة الطيبة، كي أعرب عن أمنياتي لكم بدوام التوفيق والنجاح، داعيًا الله تعالى أن يجعله عيدًا سعيدًا مباركًا، وأن يُعيده عليكم بكل الخير والسعادة، وأن ينعم على مصرنا الغالية بدوام الرقي والرخاء، وكل عام وأنتم بخير.
