ناس قاعدة مستنية.. تعليق مثير لشوبير على اعتذار كهربا لجمهور الأهلي

علق الإعلامي الرياضي أحمد شوبير، على بيان لاعب الأهلي محمود كهربا بالاعتذار للجماهير.

وقال شوبير في تصريحات إذاعية: “كهربا عمل بيان اعتذار للجماهير حد كتبه له باحترافية شديدة، البعض بقى استقبل هذا الاعتذار بعفا الله عما سلف، البعض الآخر قال لأ مينفعش". 

وتابع: “في إيه يا جماعة الولد يمشي كويس مش عاجب يتهز شويه مش عاجب يغلط ويعتذر مش عاجب فيه ناس قاعدة مستنية عايزة جنازة وتشبع فيها لطم”. 

شوبير يكشف حقيقة مفاوضات الأهلي مع نجم الزمالك

رحلته انتهت .. شوبير يعلق على تطورات أزمة الجزيري مع الزمالك

ووجه محمود عبد المنعم كهربا، لاعب النادي الأهلي، رسالة لجمهور النادي الأهلي.

وكتب كهربا عبر حسابه على “إنستجرام”: “الجمهور هو متعة الكرة وأهم عناصرها وجمهور الأهلي أكبر داعم ليا، وعلاقتي بجمهور الأهلي كبيرة وليهم رصيد يكفي ويوفي وأنا اتعرضت لحملات ممنهجة والسباب لي ولأهلي بألفاظ  محدش يقبلها على نفسه وأهله”.

وتابع: “في رسايل بعد تسريب رقمي من ناس عايزة تدمر مستقبلي الكروي ومفيش لاعب عايز يخسر فريقه أو يكون وحش”.

واختتم: “جمهور الأهلي طول عمره هو اللاعب رقم واحد وصاحب فضل عليا بعد ربنا.. ربنا يجعلكم دايما سند وضهر ليا، وبعتذر عن أي سوء تفاهم أو سوء تعبير”.