في خطوة جديدة لدعم العاملين وتحقيق التكافل الاجتماعي، وزارة الأوقاف قررت ضخ 25 مليون جنيه كقروض حسنة، من غير أي فوائد أو مصاريف إدارية، يعني اللي هتاخده هترجعه زي ما هو، ولا جنيه زيادة.

الوزارة وضعت نظام خاص لتوزيع القروض دي، اللي مش بس متاحة للعاملين فيها، لكنها كمان بتشمل موظفي المديريات الإقليمية، وديوان عام الهيئة، ومستشفى الدعاة، وأعضاء المجلس الأعلى للشئون الإسلامية.

ولو عندك حالة خاصة، زي إنك من ذوي الهمم أو بتعاني من مرض مزمن، زي السرطان أو الفشل الكلوي أو أمراض القلب، فالوزارة رفعت قيمة القرض الحسن ليصل لـ25 ألف جنيه، كنوع من الدعم الإضافي.

مش بس كده، القروض دي كمان بتدعم حالات الزواج الحديثة سواء للموظف أو لأولاده، في مبادرة إنسانية لتعزيز الاستقرار الاجتماعي.

الأوقاف أكدت إنها مستمرة في دعم الفئات الأكثر احتياجًا ببرامجها الاجتماعية المتنوعة، وبتشتغل على تعظيم مواردها لخدمة المجتمع بشكل أفضل.

لو عايز تستفيد من القروض دي، اتواصل مع الوزارة واعرف شروط التقديم، والفرصة لسه متاحة قدامك لتحقيق اللي نفسك فيه.

وزارة الأوقاف خلال عام 2024 ، أنفقت 62 مليون جنيه على مشروعات متنوعة، شملت تقديم قروض حسنة بدون فوائد أو مصروفات إدارية بقيمة تجاوزت 34.5 مليون جنيه، دعمًا للشباب وأصحاب الاحتياجات الخاصة.

 كما تم تخصيص أكثر من 20.2 مليون جنيه للإعانات النقدية والنفقات الخيرية التي تستهدف تخفيف الأعباء عن الأسر المحتاجة.