علق أحمد حسام ميدو، لاعب نادي الزمالك السابق، علي ما تشهده العلاقة بين النادي الأهلي والجماهير خاصة بعد مباراة شباب بلوزداد الجزائري في دوري أبطال أفريقيا.

وكتب ميدو من خلال حسابه الشخصي على موقع التواصل الاجتماعي فيس بوك :" من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة إنه يعبر عن غضبه، طالما الغضب ده مافيهوش أي سب لأي شخص ،ولكن غضب عن طريق إيصال رسائل إلى الادارة والجهاز واللاعيبة، وده اللي عملوا فعلا جمهور ⁧‫#الاهلي‬⁩ قبل الماتش ورد فعل اللاعيبة كان عظيم بالفوز الكبير".

وتابع: “طبيعي إن الجمهور لما يلاقوا لاعيبتهم موتوا نفسهم في الملعب إنهم يحيوهم بعد الماتش علشان يقفلوا الصفحة ويوصلوا للاعيبة رسالة إن بفوزك النهاردة الكبير الصفحة اتقفلت ومش هنقبل إلا بالأداء والنتائج دي وهي دي عقلية مشجع الأندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي أساس نجاح أي نادي كبير”.

وأضاف : “كان لازم اللاعيبة تروح تحيي الجمهور ويفهموا إن جمهورهم معاهم مش ضدهم إنما إيه اللي حصل مين المستفيد الأكبر إن يكون في خلاف ما بين الجمهور والمجموعة علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟”.

واختتم : “الحقيقة هو لاعب واحد فقط وجوده سرطان داخل أي فريق هو ⁧‫#كهربا‬⁩ وهو فعلا كما قلت من قبل وبعض من أصدقائي الاهلاوية زعلوا مني قرار التوقيع معاه أكبر غلطة في تاريخ الأهلي!!”.