EN
كواليس وتفاصيل مثيرة شهدتها جريمة مقتل مقاول السلام بسبب خلافات بينه وبين أصحاب ورش ألوميتال في السلام، حيث التقى موقع صدى البلد بأسرة مقاول السلام، وسرد شقيقه وأشقائه البنات والمصاب في الحادث أيضا كافة التفاصيل.
أسرة مقاول السلام في لقاء مع صدى البلد
قال شقيق مقاول السلام لـ صدى البلد، أخويا كان واقف في الشارع وجاره خلص عليه، شغال في مجال الألوميتال، و كان واقف في الشارع وبعدها جاره اتفق مع أخويا أنه يشطب له الشقة وبعدها حصل خلاف على ثمن الوميتال اللي تم تركيبه في الشقة، ويوم الواقعة، حضر صاحب الشقة وقال لأخويا انت خدت الفلوس ومركبتش الوميتال كويس وضربه بحديدة على دماغه، بعدها بلحظات استعان المتهم بـ 3 أشخاص وقاموا بطعـ.ن شقيقي بعدة ضربات حتى لقي مصرعه وتم سحله في الأرض.
أما زوجة مقاول السلام فقالت وهي محتضنة ابنائهم «ولادي 7 و4 سنين أبوهم راح وهما لسه مكملوش، أحمد الله يرحمه الناس دي اختلفت معاه في الشغل وهو كان شايف أن الشغل اللي بيسلموه مش مظبوط، وهما كانوا بياخدوا منه شغل الوميتال لأنه بيشتغل في التشطيبات، جوزي كان بياكل معايا أنا والعيال ونزل تحت بعدها بـ 10 دقايق جالي خبره، والناس دي كل شوية مشاكل مع الناس».
وسرد أشقاء مقاول السلام الضحية تفاصيل الواقعة وقالت شقيقته «جالي اتصال الحقي اخوكي بيموت في المستشفى، وقبل ما أوصل سألت أخونا التاني في ايه طيب، قالي أخوكي اتقتل، وأخويا محبوب والناس بتحبه وبيحل مشاكلهم عمره ما طلع في مشكلة مع حد وكان بيحل واستغربت إزاي يعني يحصل كدة، أحمد مريض عامل حادثة من 3 سنين وقعد سنتين في السرير مالوش في أي حاجة».
قررت جهات التحقيق في القاهرة حبس ٢ متهمين 4 أيام على ذمة التحقيقات التي تجرى معهم، وإخلاء سبيل متهم بضمان محل إقامته في اتهامهم بإنهاء حياة مقاول السلام وطلبت تحريات المباحث حول الواقعة.
تلقت الأجهزة الأمنية بمديرية أمن القاهرة إخطارا من قسم شرطة السلام أول تضمن ورود بلاغا من الأهالي أفاد بنشوب مشاجرة بين طرفين في منطقة السلام، وعلى الفور انتقلت أجهزة أمن القاهرة لموقع البلاغ لكشف الملابسات.
بالانتقال والفحص، تبين من المعاينة والتحريات التي أجرتها فرق المباحث في القاهرة مصرع مقاول تشطيبات، خلال مشاجرة مع كلا من م ع ع، وم ش ح وع ش ح، بسبب خلافات على تشطيب شقة سكنية.
وأكدت تحريات أجهزة أمن القاهرة، أن المجني عليه والمتهمين نشبت بينهم وبين المجني عليه خلافات حيث كان الشقق السكنية ويقوم بتشطيبها ويستعين بهم لإنهاء أعمال الألوميتال في الشقة، وفي يوم الواقعة نشبت بينهم مشاجرة قاموا خلالها بالاعتداء على المجني عليه وإصابة شريكه.
وعقب تقنين الإجراءات ألقت أجهزة أمن القاهرة القبض على 3 متهمين في الواقعة، وتحرر المحضر اللازم وتم اتخاذ الإجراءات القانونية اللازمة وإخطار النيابة العامة لمباشرة التحقيقات.
