طرحت المطربة الشابة بسمة عطا فيديو كليب جديد من إنتاج شركة مزكا، على موقع الفيديوهات الشهير يوتيوب.

 والأغنية بعنوان "بين يوم والتانى"، وهى أغنية رومانسية، تعبر فيها عن صدق المشاعر، وحسن اختيارها لحبيبها.. روجت بسمة لأغنيتها الجديدة من خلال نشر فيديو قصير من الأغنية، عبر حسابها الرسمى على موقع تبادل الصور والفيديوهات "انستجرام" وعلقت عليه بقولها:" متحمسه اوووي انكم بكرا هتسمعوا اغنيتي الجديده بين يوم والتاني.. واتمني بجد تعجبكم وتحبوها.. كمان مستنيا فيديوهاتكم عليها وهاخدها كلها عندي مستعدين !؟.".. أغنية "بين يوم والتانى" من كلمات أحمد المالكى، وألحان مدين، وتوزيع موسيقى أحمد عادل.

يذكر أن بسمة عطا طرحت فى بداية العام أغنية "متستبسطنيش" كلمات محمود علي، وألحان وتوزيع رامي المصري، وإخراج أحمد علاء الجندي، وكانت أولى أغاني بسمة، بعد مشاركتها في برنامج بوليفارد المواهب، الذي عرض عبر شبكة قنوات MBC، ضمن فعاليات موسم الرياض، بالتعاون مع الهيئة العامة للترفيه في السعودية.. كما حصلت بسمة، على لقب أفضل مطربة صاعدة، في جوائز الميما، الذي أقيم في مدينة العلمين الجديدة، وشارك في الحفل  مجموعة من نجوم الفن.. تقول كلمات "بين يوم والتانى":..

ياللي بيك الدنيا رجعتلي
انت اجمل حاجه حصلتلي
ده النصيب عمال بيثبتلي
انه احسن اختيار

ياللي بيك الجاي أمنته
والطريق الصعب هونته
انت أول حد انا آمنته
عدي من كل اختبار

بين يوم والتاني
اتحرك قلبي و زاد احساسي
و يوم و التاني
بقيت انت حبيبي و اهلي و ناسي

اي حاجة ف بالي بطلبها
ثانتين ياحبيبي وتجيبها
انت اول حاجة بكسبها
و اللي عوضلي اللي فات

كل يوم الدنيا تحسدني
عاللي نفسه بجد يسعدني
و اللي صادق لما يوعدني
و اللي فيه احلى الصفات

بين يوم والتاني
اتحرك قلبي و زاد احساسي
و يوم و التاني
بقيت انت حبيبي و اهلي و ناسي

بين يوم والتاني
اتحرك قلبي و زاد احساسي
و يوم و التاني
بقيت انت حبيبي و اهلي و ناسى