قدم طارق جميل سعيد، المحامي دفاع المخرج عمر زهران في اتهامه بسرقة مجوهرات شاليمار الشربتلي، عددا من الطلبات الهامة خلال جلسة اليوم أبرزها استدعاء شاليمار الشربتلي وزوجها المخرج خالد يوسف للاستماع إلى شهادتهما، بالإضافة إلى تفريغ الهواتف المحمولة الخاصة بالمتهم والمحرزة في القضية، وذلك لسماع ما تحتويه من رسائل تهديد مزعومة.

كما طالب بتحديد النطاق الجغرافي لهاتف المتهم من 17 إلى 19 نوفمبر، مشيرًا إلى أنه سيساهم في توضيح الملابسات المتعلقة بالقضية.

كما طالب طارق جميل سعيد بإخلاء سبيل المخرج عمر زهران على ضوء تقرير طبي من مستشفى وادي النيل الذي يؤكد إصابة موكله بمرض عضال ويتطلب إجراء جراحة عاجلة في القلب. وأضاف المحامي أنه يجب توفير المساعدات الفنية اللازمة من شاشات عرض وسماعات لعرض بعض الأدلة التي قد تغير مجرى القضية.

ورفعت محكمة جنح قسم الجيزة ثاني جلسات محاكمة المخرج عمر زهران في اتهامه بسرقة مجوهرات شاليمار الشربتلي زوجة المخرج السينمائي خالد يوسف لاصدار القرار بعد انتهاء هيئة دفاع المتهم من ابداء طلباتها امام المحكمة. 

واصر دفاع عمر زهران على تاجيل مرافعتهم لحين تنفيذ طلباتهم باستدعاء شاليمار الشربتلي وتفريغ هاتفي عمر زهران لسماع ما تحتويه من رسائل تهديد من زوجة خالد يوسف. 

وفي الجلسة الماضية سرد المخرج عمر زهران تفاصيل بداية الامر حيث قال المخرج: خالد يوسف قالي فيه مجوهرات كتير ضايعة من مراتي قلتله مراتك مهملة وكلنا عارفين كده وانت بتقول ان الحاجات دي كانت في شقة الفورسيزون دي شقة عبارة عن مخزن اكيد الحاجة دي ضايعة وسط الكركبة دور عليها كويس، واضاف: اتفاجئت ان شاليمار طلبت مني اروح ادور معاه رفضت وخالد يوسف كرر الطب رفضت للمرة الثانية مكنتش فاهم اصرارهم اني ادور معاهم على حاجات ضايعة في شقتهم الخاصة وروحت مرة دورت مع شاليمار ومعاها 2 شغالين معاها وساعتها خالد يوسف كان مصمم يعرف احنا دورنا فين بالظبط قلتله على كل الاماكن الا غرفة كانت مقفولة" 

ساعة الملكة فريدة

قرر خالد يوسف انه يدور في الغرفة دي بس أصر اني اروح ومش فاهم ليه وكلمني وانا بصلي الجمعة وبعد عدة اتصالات منه روحت وانا لابس جلابية الصلاة وبدأت أدور في الغرفة المقفولة لحد ما فتحت دولاب لقيت شنطة في وشي فتحناها كانت مليانة مجوهرات".

اضاف المخرج قائلا: ولما شاليمار شافت الحاجات دي طلعت غير الحاجات اللي قالت اتسرقت يعني انا لو عايز اسرق حاجة ما الشنطة دي كانت ادامي وفيها ساعة الملكة فريدة اشترتها شاليمار من مزاد علني، وكمان شاليمار بتقول اني سرقت منها حاجات بـ 250 مليون جنيه ولما معرفتش ابيعها عشان هي حاجات غالية ونادرة رجعتلها حاجات بـ 200 مليون واحتفظت بمجوهرات بـ 50 مليون.. ووجه حديثه للقاضي قائلا: معلش يا فندم هو انا حمـ.ـار عشان اعمل كده ارجع حاجات سرقتها وافضح نفسي طيب ما كنت رميتها في النيل"

شعوذة وكوتشينة ودجل 

وأكد المخرج الشهير قائلا:"كل الناس واصحابنا عارفين ان شاليمار الشربتلي ماشية ورا المشعوذين والدجالين وهي قالتلي ان واحدة مشعوذة فتحت الكوتشينة وقالتلها ان انا اللي سرقتها وكانت عايزاني افتح المندل وطلبت مني اجيب واحد مبروك يساعدنا في البحث عن مجوهراتها.. هو ده كلام يتهموني على اساسه واتحبس وانا راجل مريض قلب وسكر وعجوز كمان يعني اتحبس بسبب مشعوذة وراجل مبروك"