علق الإعلامي أحمد شوبير، على عقوبة إمام عاشور، لاعب النادى الأهلي، وذلك بعد مشادته مع قائد الفريق محمد الشناوي.

وقال أحمد شوبير، في تصريحات تلفزيونية "لازم اتكلم على موضوع إمام عاشور، لأنه مهم جدًا لأن الجمهور من حقه يعرف والناس من حقها تعرف ومن حق الناس تعرف الدنيا تدار إزاي لأن ده مهم جدًا".

واضاف: "في حاجة بتتعمل بشكل كويس والبعض حاول يشوهها، انت مشهور بالنظام والانضباط، في عقوبة وقعت على إمام عاشور، مفيش خروج عن النص، واليوم هو اليوم الثالث للعقوبة، إمام، التزم وبيتمرن".

وتابع "كان نفسي بس اللي اتنشر يتراجع مع حد عشان يبقى اعتذار للأهلي بس، مفيش ما يدعو إنك ترمي على حد كلمتين، هما أصلا ميستهلوش إنك ترمي عليهم كلمتين بمنتهى الأمانة، لأنك مهما عملت مبادرات دايمًا متاخدة بصورة الشك والاتهام طول الوقت، خليك في حالك وامشي في سكتك".