علق إكرامي نجم الأهلي السابق، على أزمة إمام عاشور لاعب القلعة الحمراء بعد المشاداة مع كابتن الفريق محمد الشناوي، وتغريمه مليون جنيه.

وقال إكرامي في تصريحات تليفزيونية: “إمام عاشور غلط واتعاقب والأمور استقرت، لكن الموضوع أخد أكبر من حجمه، سواء غلط في محمد الشناوي أو مارسيل كولر أو محمد رمضان اتعاقب خلاص، وأتحدى أي حد يعرف القصة اللي حدثت في غرفة اللبس”.

وتابع: “عاشور عمل بيان اعتذار للنادي الأهلي وجماهيره، وخلاص الأمور خلصت بشكل كبير”.

ووجه إمام عاشور لاعب النادي الأهلي، رسالة للجمهور عقب توقيع عقوبة مليون جنيه من جانب النادي.

وقال إمام عاشور في ستوري عبر صفحته الشخصية على موقع تبادل الصور والفيديوهات إنستجرام: "أولا.. كل الاحترام والتقدير لزمايلي وكل منظومة الفريق من الكبير للصغير.. وانا بعتذر عن أى خطأ زعل حد مني. ومتقبل للعقوبة وده شيء طبيعي .. لأن الفرق بين هنا وأى حتة تانية كبير أوي.. للأسف فاكرين بالفبركة على السوشيال والتصريحات الكذب على لسان أخويا ممكن يأثروا على علاقتي بالأهلي وجمهوره .. ده مش هيحصل أنا فخور بالأهلي.. وممتن جدا بدعم ومساندة جمهور الأهلي “”أعظم جمهور في الكون" . وبإذن الله طموحاتي وأحلامي هتتحقق هنا في الأهلي".