تصدرت الإعلامية سالي عبد السلام، مؤشرات البحث خلال الساعات الماضية، وذلك بعد ما أعلنت فقدان توأمها.

كتبت سالي عبد السلام على الإنستجرام:"قدر الله وماشاء فعل من كام يوم وده بعد سنتين انتظار التوأم اللى كان نفسى فيهم أوى يا رب، سنتين صبر وأنت مفيش قدامك غير الصبر زى أى رزق والحمدلله ان اختبارى كان فى الصبر و بس مش اكتر وكنت طالباها تيجى من عند ربنا خالص ومن غير تدخل دكاترة...الحمدلله على نعمة الاخذ بعد العطاء..يا رب فقدت أغلى ما ليا...واللى كان هيكون ليا."

تابعت:"الحمدلله.. قدرى الحمدلله..أنا بكتب الكلام ده عشان يمكن حد يتعلم...كل حد قالى وقال عليا  مش عايزة تخلف عشان خايفة على جسمها و شغلها .. وكانت اوحش حاجة سمعتها فى حياتى...و هم لا يعلمون شيئا."

أضافت:"عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب او معتبر نفسه كدة ومش من أهله أصلاً ولا يحق له و يحسسهم ان وراهم تارجت يا اما  هيكون منبوذ منهم وهنسود عيشتك بسؤالنا كل شهر و نضغط عليك مع انهم مش هيشيلوا اصلا و محدش هيشيل غيرك..(((وهم لا يعلمون شيئاً)))..اوعى تقولى انك حامل وخافى من العين واى كلام فى الموضوع ده بالذات !!!اهه مقولتش وبرضه محصلش ومع احترامى ليهم العرسة بتخلف ده مش انجاز ... ((((وهم لا يعلمون شيئاً)))."

كتبت:"عشان كل ست اوعى تبقى ب ١٠٠ ست و تشيلى مسؤولية كل حاجة لوحدك "لوحدك".. الست الجدعة بجد مبتاخدش حاجة.. الست الجدعة محدش بيساعدها و كله بيرمى عليها وكمان لما منعرفش نبقى زيها نعطلها او نقلل منها وبمعنى اصح نبقى سبب فى سقوط كل حاجة فيها مش اطفالها بس ! يا ريتنى قولت مبعرفش او مش هقدر عشان موصلش لكدة...كلنا تعبنا و بنتعب ومحدش بيحس ومحدش طلب منك تحس."

أضافت:"بس الرحمة ... الرحمة، كل اللى كتبت عنهم بينى و بينكم الله، إنا لله وإنا إليه راجعون.. ادعولى كتير .. راضية و الحمدلله، بس بنهار وانا بصلى ومش بطلب غير الثبات من ربنا، بس ليا بيتين فى الجنة .. اخترت الأخرة و الأبقى يا الله."

نرصد لكم فيما يلي أبرز المعلومات التي لا يعرفها الكثير عن سالي عبد السلام

سالي عبد السلام هي مقدمة برامج مصرية، تتميز بشخصيتها العفوية والمميزة، وقد حققت شهرة واسعة في مجال الإعلام في مصر والعالم العربي من خلال تقديم برامج متنوعة على العديد من القنوات المصرية. 

وُلدت سالي عبد السلام في القاهرة، كانت مهتمة بالإعلام منذ الصغر، وهو ما جعلها تتجه لدراسة الإعلام والعمل في هذا المجال، تخرجت من كلية الإعلام، وبالتحديد من قسم الإذاعة والتلفزيون، ما مكنها من بناء قاعدة معرفية قوية في المجال الإعلامي.

بدأت سالي عبد السلام  مسيرتها الإعلامية في قناة النيل للمنوعات ثم انتقلت لتقديم العديد من البرامج على قنوات مختلفة.

تعتبر سالي عبد السلام  من المشاهير النشطة على مواقع التواصل الاجتماعي، حيث تحرص على التفاعل مع متابعيها، وتُعتبر منصات مثل إنستجرام و فيسبوك من الوسائل التي تستخدمها لمشاركة صورها اليومية، وفيديوهاتها الخاصة، بالإضافة إلى تقديم نصائح للمجتمع في مختلف المواضيع.

سالي عبد السلام كانت أيضًا من بين الوجوه الإعلامية التي شاركت في تقديم حملات إعلانات لماركات مختلفة، وهو ما يعكس قدرتها على التأثير في الجمهور.