كشف الإعلامي أحمد شوبير حارس مرمى الأهلي ومنتخب مصر السابق آخر تطورات الشكوى المقدمة من نادي الزمالك في الفيفا ضد الجابوني أرون بوبيندزا.

وقال أحمد شوبير، خلال فيديو نشره عبر صفحته على “فيسبوك” من تصريحاته الإذاعية: “سألنا في الزمالك فيه أي تحركات بخصوص موضوع الجابوني بوبيندزا اللي كان وقع مع الزمالك ولم يتم تفعيل التعاقد مع النادي وراح الدوري الروماني، وبعدها الزمالك قال إن موقفه سليم وهناخد حقنا القانوني”.

وأضاف شوبير: “طيب أيه موقف اللاعب دلوقتي، بوبيندزا حاليا بيلعب بصورة طبيعية في نادي رابيد بوخارست الروماني ولعب معاهم 4 مباريات وسجل هدف وحيد”.

وتابع شوبير: “مفيش أي جديد في الملف حتى الآن وكل اللي حصل إن الزمالك قدم أوراق القضية كاملة للمحامي السويسري والقضايا اللي زي دي بتاخد وقت وأحيانا أكثر من سنة بس لازم النادي يتابع عشان ميتوجعش يعني زي ما حصل قبل كده”.