علق رحاب أبو رجيله عضو مجلس إدارة نادى الزمالك السابق على أزمة الحكم محمد عادل والتسجيل الصوتي المسرب له عقب مباراةالزمالك والبنك الأهلي.

وكتب رحاب أبو رجيلة، عبر حسابه الرسمى على موقع التواصل الاجتماعى "فيس بوك": تعالى نسلم زى ما انتم عايزين تقنعوا نفسكم ان اللعبة مش ضربة جزاء وان الزمالك ملوش ضربة جزاء مش محسوبة ومحسوب عليه ضربتين جزاء واحدة مشكوك فى صحتها والتانية اجمع كل الناس انها غير صحيحة، ممكن تقولى على دورى واحد فى العالم ممكن نشوف فيه كل اللى بيحصل ده على لعبة فى مباراه وتسريب صوتى وحلقات واتهامات.

وأضاف: "متوقع ايه من أى حكم رايح يحكم ماتش للزمالك وهو شايف كم التنكيل ده بحكم حتى لو اخطأ على حد قولكم انتم.. دلوقتى مفيش حماية للحكام .. ايه جو المنافسة ده وايه كمية الحملات المسعورة على الزمالك بس لما بيكسب".

وأكمل: "يا جماعة والله مافى كورة فى العالم بالشكل ده.. ايه كمية الضغوطات دى وليه حالات الهياج دى ما بتحصلش الا لما الزمالك بيكسب".

وختم رحاب أبو رجيلة،تعليقه، قائلا: "ايه اللذة او الفرحة لما تموت المنافسة وعايزين يبقي في تغير وتقدمازاى .. لك الله يا جمهور الزمالك".