وجه الإعلامي أحمد شوبير حارس مرمى الأهلي ومنتخب مصر السابق رسالة إلى جماهير النادي الأهلي بخصوص لاعب الفريق طاهر محمد طاهر.

وقال شوبير خلال فيديو نشره علي موقع فيسبوك من تصريحاته التلفزيونية : "طاهر محمد طاهر عاجبني جدا هذه العقلية الرائعة من الولد اللي أصبح الآن جماهير الأهلي بتتغنى بيه بعد الهجوم الشديد عليه وسوشيال ميديا وشغلانة في الموسم اللي فات إنما دلوقتي بقه بيشيدوا بيه ليل نهار".
وتابع شوبير: "يارب بس تفضلوا تشيدوا بيه شوية مش ماتش يوديكوا وماتش يجيبكم، وعلى فكرة طاهر الموسم ده لعب 7 مباريات سجل 4 أهداف وصنع هدفين، أما في السنة اللي فاتت 37 مباراة هدفين و6 أسيسيت والبعض طالب برحيله".

وأضاف: "عقلية اللاعب هنا بتفرق إزاي ترجع من جديد ومهما السوشيال ميديا انتقدتك الرد يكون في الملعب بتمنى الجمهور بس يهدى ويصبر عليه وعلى غيره شوية".