علق الإعلامي سيف زاهر، على تصريحات السويسري مارسيل كولر، المدير الفني للفريق الأول لكرة القدم بالنادي الأهلي، قبل مباراة العين الإماراتي.

وقال سيف زاهر، في تصريحات تلفزيونية "كولر، لازم يفهم ويستوعب أنه بيدرب الأهلي، اللي بيكسب على طول والإعلام رأيه مظبوط".

وأضاف: "أنا لو مكان الإعلام هسأل نفس الأسئلة، الجمهور عايز مكسب وعايز أداء رائع، لأنك بتدرب الأهلي، وإنت بتدرب الأهلي لازم تبقى عارف إن في ضهره إعلام قوي وجمهور قوي ومشجعين بالملايين".

واختتم: "لازم تبقى عارف إن الأهلي بيكسب كل البطولات ومنافس قوي على كل البطولات، فالناس لازم تتعجب لو لهم ملاحظات على الأداء، خسارة بطولة شيء يزعل جمهور الأهلي، إنت معاك الامكانيات لازم تكسب كل المباريات".

ويلتقي الأهلي مع العين الإماراتي في الثامنة من مساء اليوم الثلاثاء، على استاد القاهرة، في بطولة انتر كونتيننتال.