EN
كشفت تحقيقات النيابة العامة تفاصيل واقعة مقتل بائع في مدينة بدر، على يد سائق توك توك اثناء تداخلة لفض مشاجرة.
وقال المتهم في تحقيقات النيابة، انا اتفقت مع صديقي "رضا" على إننا نفتح فرشة ملابس في الشارع، ودفعت مبلغ مالي قدره 5 الاف جنيه وهو دفع 3 الأف جنيه.
واضاف المتهم ، بعد مرور أيام والدتي شعرت بالتعب الشديد فقررت استلف مبلغ مالي من رضا فإتصلت عليه وابلغته أن والدتي تعبانة.
وتابع المتهم في التحقيقات، صديقي رد عليه وقال لي:" مش معايا فلوس دلوقتي اصبر لما نبيع الفرشة ونفض الشراكة وكل واحد ياخد حقه".
واستطرد المتهم، شعرت بأن صديقي يتعامل معايا ببرود فقولت له :" بقولك امي تعبانه تقولي اصبر"، فرد عليا :" اعملك ايه روح امشي علشان مضربكش".
وقال المتهم في التحقيقات، هنا وقعت بيننا مشاجرة وأخرج صديقي من بين طيات ملابسه "كاتر" وضربني بيه، وبعدها لقيت المجني عليه "كريم"، واقف قدامي وفجأة لقيت رضا ضربني تاني بالشومة على راسي، حاولت اضربه لكن صديقي كريم وقف قدامي وطعنته بالسكين غصب عني.
