شاركت الفنانة هلا السعيد جمهورها بصور من زيارتها لأهرامات الجيزة.

نشرت هلا السعيد عبر حسابها على Instagram صورا لها من أمام الأهرامات، وأطلت هلا بفستان أبيض طويل وضيق مع نقشة النمر.

وتركت هلا السعيد شعرها ينسدل ناعما على كتفها ووضعت مكياجا بألوان رقيقة.

وكتبت هلا السعيد: "خدت واحدة صاحبتي أمريكية عشان تزور الأهرامات وهي أول مرة تيجي مصر انبهارها وسعادتها كل ما أبص على وشها مش طبيعي لحد في الآخر اليوم قالتلي ده أسعد يوم في حياتي وأنا صغيره كانوا بيسألوني إيه البلد اللي نفسك تروحيها كنت بقول مصر وأنا هنا حاسه إني بحلم أو في الجنة، كلامها خلاني أسرح واتأكد إن بجد إحنا في نعمة مش حاسين بيها وبجد مصر أم الدنيا".

وكانت كشفت الفنانة هلا السعيد، عن تعرضها للتحرش من أحد سائقي شركة أوبر، حيث أكدت الفنانة أنها انفعلت عليه بعد أن وجدته أوقف السيارة في طريق عام، وبدأ يخلع بعض ملابسه، وحينها واجهته وبرر موقفه بأنه مريض يعاني من مرض السكر.

ونشرت هلا السعيد، فيديو عبر حسابها الشخصي بموقع تبادل الصور والفيديوهات القصيرة إنستجرام، قالت فيه: "أنا واقفة على محور الضبعة، سواق أوبر فجأة وقف وفجأة قالي العربية سخنت ببص ورا لقيته فك حزام البنطلون وقالي متخافيش أصل عندي السكر ولازم أدخل الحمام، نزلت وسيبت حاجتي في العربية، ووقفت في الشارع وبعت لايف لوكيشن لصحابي، الحمد لله إني قريبة من البيت وإننا في النهار".

كما علقت هلا السعيد على الفيديو، قائلة: "الحمد لله عدت على خير.. أنا قلت بعد اللي حصل، وفيه تسجيل في العربية، بس واضح إن مفيش فايدة في أوبر، الشركة نفسها لازم تتحاسب".