وضع فتحي مبروك المدير الفني السابق للنادي الأهلي روشتة الفوز على منتخب موريتانيا، لحسام حسن مدرب منتخب مصر.

وقال مبروك في تصريحات إذاعية: "أنا لو مدرب منتخب مصر لازم ألعب ضد موريتانيا بشكل هجومي كامل لإن اسم مصر كبير جدا وأي فريق بيلاعب منتخب مصر هو اللي بيعمل حساب لمنتخبنا وبيبقى خايف منه".

وتابع: "لازم النهاردة في مباراة موريتانيا أنا كحسام حسن ألعب بطريقة 4-2-4 لازم ألعب باثنين رأس حربة واثنين فقط في نصف الملعب واثنين على الأطراف، لا يقلق من فريق موريتانيا ويجعله تحت ضغط قوي من أول المباراة عشان يكسب ولا يفكر في الطريقة المعتادة 4-2-3-1 اللي بتلعب بيها كل الأندية".

وأضاف: "لازم من البداية نضغط موريتانيا وأكون جريء أمامه عشان أقول للناس والاعلام والجماهير إن كابتن حسام حسن مدرب هجومي جريء وسيحقق نقلة مع منتخب مصر".