تحدث إبراهيم سعيد نجم الأهلي والزمالك السابق، عن إمكانية مشاركة أحمد فتوح لاعب الزمالك في السوبر المصري المقرر إقامته في الفترة من 20 إلى 24 أكتوبر في دولة الإمارات.

وقال الإعلامي إبراهيم سعيد في تصريحات تليفزيونية "أحمد فتوح من الصعب جدًا إنه يسافر الإمارات مع الزمالك ويلعب السوبر، هو نفسيًا مش هيبقى جاهز بنسبة كبيرة؛ لأن ما تعرض له صعب جدًا".

وأضاف: "أنا عارف إنه من الناحية القانونية ممكن يتم السماح ليه إنه يسافر مع الفريق للمشاركة، بس أنا بتكلم في جزئية تانية إنه لسه عنده قضية".

وتابع: “فتوح عنده جلسة في المحكمة يوم 22 أكتوبر الجاري، ولو الزمالك وصل نهائي السوبر المصري؛ فالمباراة هتتلعب يوم 24 من الشهر ذاته، فساعتها هيبقى إيه العمل، وهو لازم يرجع؟”.

واختتم: “بتمنى عودة أحمد فتوح سريعًا للمشاركة مع الزمالك ويتألق من جديد، لأنه واحد من أفضل اللاعبين في مركز الظهير الأيسر في مصر، واللي تعرض ليه صعب اختبار من ربنا وهيقدر يتخطاه والعودة لسابق عهده”.