تحدث محمد رمضان المدير الرياضي للنادي الأهلي، عن تعيينه في هذا المنصب بالقلعة الحمراء في عهد جديد للكرة بالنادي.

الأهلي يواصل تدريباته استعدادا للسوبر المصري

الأهلي يتوج بالبطولة العربية للبريدج

وقال محمد رمضان في مداخلة هاتفية عبر برنامج حارس الأهلي الذي يقدمه الإعلامي أحمد شوبير المذاع على قناة النادي الأهلي: «الكابتن محمود الخطيب فاجئني بقرار تعييني مديراً للكرة وقالي ده تكليف وانا مكنتش مستوعب هذا الأمر وطلبت " لايف كوتش " عشان اقدر افهم الجيل الي موجود الحالي ده لان الجيل ده غير الجيل القديم خالص وكل الي موجودين في الفريق اصغر من ولادي والشدة والحزم بتختلف ممكن بالتفاهم والأحترام وفيه تنوع للسيطرة وبحاول اشوف ايه المناسب للجيل ده عشان اتعامل معاهم اللاعيبة ديه مش زي ما السوشيال ميديا متصوراة انطباعي الأول جيد ولكن فيه تحفظ وده بيني وبينهم ومش هيكون معلن ومستحيل هيكون معلن واي حاجه داخلية لن تسرب نهائياً للصحفين ولا حتي للأعلاميين».

وأضاف رمضان: «انا لسه مقدعتش مع اللاعيبة لسه ولائحة الأهلي الجديدة هتوصل للاعيبة كلها وهيقرئوها وسيتم مناقشتها معهم ومن الوارد ان اغير اي بنود فيها».