EN
شهدت محافظة الإسماعيلية، مساء أمس الخميس، حادثا مأساويا، بسقوط فتاة من الدور التاسع من عقار سكني بوسط المدينة، ولفظت أنفاسها الأخيرة بعد دقائق من وقوع الحادث، وسط حالة من الحزن انتابت أهالي المنطقة.
من جانبه نشر شقيق المتوفية وتدعي “روان” منشور علي موقع التواصل الاجتماعي الفيس بوك، كشف فيه تفاصيل الحادث المأساوي : "انا اخو روان لي وقعت من الدور التاسع انا لله وانا اليه راجعون ربنا يرحمك يا حبيبتي عروسة الجنه روان، للتوضيح علشان محدش يقول اي كلام روان كانت في بيتها متغدية معانا واختها الصغيرة نزلت تجيب حاجه من تحت البيت اختها صغيره عندها ٩ سنين كان وقت صلاة العشا".
وأضاف: “راحت راوان قالتلها هصلي على ماتطلعي صلت العشا وجريت تبص على اختها من الشباك وعلشان تبص على اختها السرير تحت الشباك طلعت كالعاده تبص عليها اختل توازنها وقعت من الشباك ومن الدور التاسع مش التامن ولا نزل منها نقطة دم ولا فيها كسر واحد في جسمها سبحان الله ربنا يرحمك يا حببتي البنت دي كانت ملاك حافظه القران وماكنتش بتسيب فرد وعمرها ما كشرت في وش حد طول عمرها طيبه وجابره خواطر الناس ببتسامتها الرقيقه ولا ليها في صحاب ولا نت ولا اي حاجه هدوء وادب الدنيا فيها”.
وتابع: “ميته ليلة جمعه ادعولها بالرحمه جنازتها بعد صلاة الجمعه في جامع غويبه في شارع البحري ربنا يرحمها ويجعلها عروسه الجنه، ربنا يرحمك ارحموا موتاكم اتمنى محدش يقول اي حكايه ولا كانت بتنشر ولا كانت قاصده تقع ولا كانت ليها في حاجه الا بر امها وابوها ادعولها ربنا يثبتها عند السؤال واقرولها الفاتحه ربنا ما يعزيكم في عزيز ويصبرنا عليكي يارب”.
واصيبت فتاة بغيبوبة تامة إثر سقوطها من مرتفع بجوار مدرسة طه حسين بشارع الثلاثيني بحي أول الإسماعيلية.
وكان اللواء محمد عامر مدير أمن الإسماعيلية تلقي إخطارا يفيد إصابة فتاة بغيبوبة تامة إثر سقوطها من مرتفع أمام مدرسة طه حسين بشارع الثلاثيني بحي أول الإسماعيلية.
وقالت مصادر طبية أن فتاة تدعي روان . ع، 18 عام، سقطت من مرتفع وأصيبت بغيبوبة تامة، ونقلت الي مجمع الإسماعيلية الطبي لتلقي العلاج اللازم، الا أنها لفظت أنفاسها الأخيرة وتوفت بعد الحادث بدقائق.
تم تحرير محضر بالواقعة واخطرت النيابة العامة لتتولي التحقيقات.
