كشف الممثل حمادة صميدة عن معاناته مع قلة فرص العمل، بعد مروره بالعديد من الأزمات الشخصية خلال الفترة الماضية وأبعدته عن الوسط الفني.

وكتب حمادة صميدة عبر فيسبوك: "وحشتني الكاميرا ووحشني صحابي في الشغل أنا اشتغلت أعمال كتير مع نجوم كبار ومخرجين كبار وأمنوا بيا وبشغلي ودايما كانوا بيقولولي انت شاطر وعمري ماطلعلي صوت في لوكيشن ودايما في حالي يمكن أنا عفوي وعلي نيتي شويه بس انا والله معنديش شغل تاني وشغلنتي وبتجري في دمي الفن أنا بطلب من أستاذاتي وزملائي أنا قاعد في البيت مقهور ونفسي اشتغل معاكم زي الاول".

واستطرد حمادة صميدة قائلا: "أنا شايل مسؤولية بيت وأب لاوالدين وكل يوم اطلع وابص في وشهم ومقهور وخايف وتجاعيد وشي بانت من الزعل أرجو منكم اني لو حصل مني شئً زعل حد مني أنا آسف أنا والله عفوي وعلي نيتي رغم اني عارف اني عمري مأذيت حد ولا زعلت حد مني أنا بشتغل الشغلانه دي من ايام مسلسل سوق الخضار ومسلسل القاهره 2000 وفيلم بوبوس وفيلم عصابه الدكتور عمر وفيلم واحد صفر وفيلم عائلة ميكي وناس كتير تشهد اني جيبها من تحت الصفر وانهارده والله نفسي اشتغل تاني أنا آسف أنا عارف إنه خير ، بس انا تعبت .. والله تعبت ودا اخر طاقتي".

شارك حمادة صميدة في فيلم زنقة ستات ومن أشهر ايفيهاته " قول بطيييخ"، ومعظم أعماله كان يقوم بأدوار بلطجي او رجال إحدى المعلمين، كما عمل في جراج سيارات، وبائع أنابيب، قبل أن يتجه للتمثيل.

توفى ابنيه (حمزة وياسين) عام 2020، في سن خمس شهور، ثم رُزق بطفل أطلق عليه اسم فارس، وكشف عن تعرضه للتنمر في أكثر من لقاء ومداخلة هاتفيه تليفزيوينة قائلًا : "أتعرض للتنمر منذ زمن، على موضوع سناني وشكلي، ودي حاجة بتاعة ربنا، ربنا خلقني كده، بعض الناس كانت بتقابلني وتقولي إنت شكلك وحش جدا وده كان قبل السوشيال ميديا، قبل ما أبقى في التمثيل، وفي مرة كنت منزل صورة على فيسبوك عندي وأنا شايل ابني، وده ملوش ذنب إن حد يتنمر عليه هو كمان، تقالي إنتوا الاتنين شكلكوا شبه القرود، يرضي ربنا عيل عنده سنة وشهرين يتقال عليه قرد؟".