كشف الفنان أحمد سعد، عن تفاصيل عودته إلى زوجته السابقة علياء بسيونى بعد فترة من الانفصال وحالة الجدل التى أثيرت عن عودتهما خلال الأيام الماضية.

وقال أحمد سعد فى برنامج et بالعربى : كنت عايز أعمل كده على المسرح عشان عايز أقول حاجة إن مهما كان الناس بينهم خلافات ومشاكل وناس غلطت في نرفزة أو ناس عملت حاجات ضايقت بعض ليه منديش بعض فرصة جديدة ونبص لبعض بشكل مختلف واحنا في بينا عيال وحتى العيال دي تحس إننا عملنا اللي علينا، قولنا تيجي ندي نفسنا فرصة نبص لبعض بعين مختلفة، هي مش فترة تعارف أنا عارف عاليا وأخلاقها دي أم عيالي نبص على بعض لتقبلنا للمشاكل وحياة بعض هي متغيرة معايا وأنا متغير معاها جدا لما حسيت أن فعلا الحياة بيها أحسن.

وعن إعداده لحفل زفاف جديد أوضح أحمد سعد : "تعدي فترة كده معينة وبعد كده نعمل إن شاء الله الفرح والولاد يبقوا لابسين لبس الفرح معانا".

سرقة أحمد سعد بميلانو

وكشف الفنان أحمد سعد عن تفاصيل سرقته فى إيطاليا بعد حضوره حفل زفاف ابن الإعلامية بسمة وهبة والذى شهد حضور عدد من النجوم والمشاهير.

وقال أحمد سعد فى لقاء مع et بالعربي، إنه تعرض للسرقة مطار ميلانو قائلا: "أنا مبحبش أتكلم في خساير لأن المكاسب من عند الله كتيرة، الخساير ولا حاجة من النعم اللي ربنا ادهالي بس هي حاجات ساعات بتزعل زي أول ساعة اشتريتها في حياتي، ساعاتي كلها وألماظي هو أنا مش علي بابا، لكن كل الحاجات اللي اشتريتها وكانت ذو قيمة مادية أو معنوية اتسرقت كلها الشنطة بتاعتي كلها اتسرقت مني".

وأضاف أحمد سعد : زعلت على قيمة الحاجات وعلى معناها بس مزعلتش لأن لسه قدامنا كتير، أوعى الناس متحبنيش تاني اللي فات ضاع فلوسي اللي فاتت راحت أنا لسه ببتدي صفحة جديدة.

بسمة وهبة تروى تفاصيل سرقة أحمد سعد

وكشفت الإعلامية بسمة وهبة عن سرقة مقتنيات المطرب أحمد سعد، عقب حضوره حفل زفاف نجلها، الذي أقيم الجمعة الماضية 20 سبتمبر في إيطاليا وسط حضور عدد كبير من نجوم الفن والإعلام.

وقالت وهبة، خلال لقاء تليفزيوني، إنها تتوقع أن هناك شخصا راقب أحمد سعد ويعرف ما بداخل حقيبته، لأنها تحتوي على ساعات من ماركات عالمية وعقد ملفت للانتباه أصبح حديث الناس كلها.

وأضافت: “اللي بيقولوه الناس أنا مابعتبرهوش نَقّ، أنا بعتبر إن ده حسد، وأنا لما أقولك إيه اللي أنتي لابساه ده؟، أنا كده حسدتك؟، معناه إني متستكتراه عليكي، هو ده الحسد إن أنا بستكتر النعمة عليكي، ارتاحو، أحمد سعد كل اللي أنتم نبرتم عليه اتسرق”.

وأقيم حفل الزفاف نجل بسمة وهبة في أحد القصور الفاخرة على بحيرة كومو الشهيرة في إيطاليا، ونشرت الإعلامية المصرية عبر حسابها على "إنستجرام" صورًا وفيديوهات من الحفل.