EN
كواليس ومأساة في واقعة انهيار عقار شبرا كشفتها والدة صديقة نادين إحدى ضحايا عقار شبرا المنكوب التي لفظت أنفاسها الأخيرة أسفل الأنقاض برفقة شقيقتها ندى، وابنة اختهما الثالثة الطفلة كيان.
جيران ضحايا عقار شبرا يسردون المأساة
وقالت عبير والدة إحدى صديقات ندى ونادين ضحايا عقار شبرا المنكوب «كنت عايزاها تاخد شهادة عشان تنفعها بس مكنتش أعرف انها هتموت ومش هتلحق فرحها ولا يوم حنتها، الله يرحمها ندى كانت عروسة الشارع كله فرحان بيها ومستني يوم فرحها».
وتابعت عبير لـ صدى البلد «والدة البنات توفت من 7 سنين لما جالها جلطة، وأنا ست مريضة بالكانسر وبنتي فرح متربية معاهم وكنت بحبهم جدا ونفسي بس القصاص للبنات الغلابة دي، ندى كانت فرحانة ونفسها تفرح بعد 11 سنة حب بينها وبين مصطفى بيجهزوا نفسهم عشان الجواز واتخطبوا في 2018 يعني 6 سنين بتجهز نفسها في الأخر ماتت».
وأكملت عبير عن قصة انهيار عقار شبرا «اللي حصل ده بفعل فاعل والبنات راحت ضحية لاهمال صاحب البيت اللي جنب بيتهم وبيتنا، بيتهم وقع على البنتين وبنت اختهم واحنا مطرودين في الشارع وأنا ماشية في الشارع بشنطتي، بس مفيش مشكلة ربنا كريم لكن حق البنات دي مين هيجيبه».
وقال، سمير، والد ندى ونادين، اللتين لقيتا مصرعهما في حادث انهيار عقار شبرا، انه في يوم الحادث كان خارج المنزل وتلقى اتصالًا بوفاة أبنتيه وإصابة الثالثة، وأن نجلته ندى كان فرحها خلال ايام.
وتابع سمير، بنتي مخطوبة بقالها 6 سنين وقبلها قصة حب كبيرة مع جوزها، وانا بجهز فيها وهي كانت واخده خطيبها عن قصة حب، وعفشها تكلف ما يقرب من 480 ألف جنيه وكله راح في انهيار العقار.
وتابع، بعد انهيار المنزل حاولت انقاذ أطفالي، ومكثت في البحث عنهم لعدة ساعات وحفرت في التراب بأيدي للبحث عنهم ولكن محاولاتي باءت بالفشل، وبعد انهيار البيت ملقتش مكان أنام فيه، والجيران أحضرو لي ملابس، وانا دلوقتي قاعد في الشارع وبنام في الجراج".
وكشف أحد أقارب ضحايا عقار شبرا المنهار، أن من بينهم فتاة كانت تستعد للزواج حيث قامت بعقد قرانها قبل فترة وجيزة وكانت تجهز شقتها هي وعريسها منذ سنوات لإقامة الفرح واستكمال الزيجة.
وقال أحد الجيران في محيط عقار شبرا المنكوب في القاهرة، بأن العقار كان ضمن العقارات التي سيتم إخلائها ولكن لتوسعة الشارع وأن بعض المنازل في الشارع تم تنكيسها.
