EN
حلت الفنانة دينا، ضيفة على برنامج القاهرة اليوم عبر قناة ألفا اليوم، مع الفنان إدوارد والمذيعة نانسي مجدي، وأثارت تصريحاتها خلال الحلقة، جدلًا على السوشيال ميديا، خلال الساعات الماضية.
ويرصد موقع صدى البلد الإخباري، في التقرير التالي، أبرز تصريحات الراقصة دينا في برنامج القاهرة اليوم.
- لو ابني عاوز يخوض تجربة المساكنة هقوله ربنا يوفقك روح طبعًا يا حبيبي، لكن لو أنا أم البنت هعنفها، لأن الولد يعمل اللي يعمله.
- اتجوزت 9 مرات وده مش رقم مفزع ومعنديش مانع اتجوز تاني، وتحية كاريوكا اتجوزت 13 مرة.
- مكنتش مخططة للجواز 9 مرات، ولما واحدة صاحبتي بتقرر تطلق بمنعها.
- أطول جوازة ليا كانت 5 سنين واقصر جوازة كانت سنتين.
- كل طلاقاتي عشان أنا رقاصة.
- مهنتي مش سهلة.. واللي يرتبط بيا لازم يكون عنده ثقة بالنفس مش طبيعية.
- مفيش حاجة اسمها حب، وانت اللي بتكون عايز تعيش الحالة دي لحد ما البلونة تفرقع.
- عملت عملية تجميل واحدة في مناخيري صلحت بيها غضروف مناخير لما وقع.
- باكل مرة واحدة في اليوم وما بكلش الفراخ لأنها مش صحية للانسان.
- معايا ماجستير فلسفة في المسرح القديم، وبرقص من وأنا في ثانوية عامة وبقيت الراقصة الجامعية.
- في واقعة فستاني اللي اترفع كنت لابسة “كولون” لكن هما افتكروني مش لابسة حاجة.
- تايتل الرقاصة مش واخد وضعه في مصر، ومش موجود في مهرجان القاهرة السينمائي، ونفسي يبقى موجود.
- وأنا صغيرة كنت بتكسف وبداري وشي واتشهرت بحركة ايدي على وشي.
- الراقصة بدرة عندها حضور، صوفينار جت معاها كدة، ورفضت جوهرة في برنامج الراقصة لأنها حلوة ومش رقاصة.
- اتخطبت لـ أخو هادي الجيار، وهو أكتر واحد حبيته، واتوفى وأنا عندي 15 سنة.
أعمال دينا
يذكر أن دينا شاركت مؤخرا في فيلمين هما: "الملكة" بطولة هالة صدقي، ورانيا يوسف، وشيرين رضا، وانتصار، وباسم سمرة، إخراج سامح عبد العزيز، وفيلم "عادل مش عادل" بطولة أحمد الفيشاوي، ومحمود البزاوي، ومحمد رضوان، إخراج أحمد يسري.
ومن المقرر ان تشارك الفنانة دينا خلال الماراثون الرمضاني القادم بمسلسل “ إش إش”، والذى تتعاون فيه مع المخرج محمد سامي .
مسلسل “ اش اش ” يشارك فى بطولته عدد كبير من الفنانين وابرزهم مي عمر وهالة صدقي وانتصار وماجد المصري ودينا .
