EN
حصل موقع صدى البلد، على نص تحقيقات النيابة العامة، في واقعة ارتكابه جريمة قتل مدير كافيه بمستشفى خاص شهير بـ التجمع الخامس.
وجاءت اعترافات المتهم في تحقيقات النيابة العامة كالآتي: “اسمي محمد م،23 سنة واعمل عامل بكافيتريا مستشفى شهير بالتجمع الخامس في القاهرة الجديدة وحصل بينا خلاف”.
وأكد المتهم في تحقيقات النيابة العامة، أن الخلاف بدأ بينه وبين المجني عليه عندما قرر الأخير أن يوقفه عن العمل.
وأضاف المتهم، في التحقيقات، في يوم الواقعة واحد صاحبي طلب مني قطعة بسبوسة وجاتوه ووديهم للمستر محمود اللي مسئول عن الكافتيريا، وكان واحد زميلنا اسمه مصري واقف معايا قالی هات أنا هوديهم ولقيت اسلام "الضحية" جالی ثانی وبيقول، هو أنا مش قلتلك يلا أمشي عشان تصفي من الشغل، أنت كده خلاص موقوف عن العمل.
جريمة قتل التجمع
وتابع، المتهم، بعدها لقيت محمود عبد الناصر، زميلي، بيقولى، روح شوف شغلك يا محمد وأنا هشوف الموضوع بتاعك ده وبعدها بشوية ثاني لقيت محمود بيقولي بقولك يا محمد روح غير هدومك وامشى وأنا هكلم مستر محمود على موضوعك وإنه يلغى الوقف عن العمل اللي اتسببلى فيه اسلام، وانا مرضيتش امشى ولا اغير اليونيفورم بتاعي وحوالي الساعة ٧ مساءًا، طلعت برا علشان اشرب كوباية قهوة وقولت لـ محمود ، أنا عاير كوباية قهوة، وبعدها لقيت اسلام بيقول،": لاء يا محمود متعملهوش قهوة هو موقوف عن العمل".
واستطرد، المتهم في التحقيقات، زميلي محمود قال لي :" روح با محمد غير هدومك و انا هعملك كوباية القهوة وروحت غيرت هدومي ورجعت لقيت محمود عبد الناصر عملي كوباية القهوة واخدتها منه وطلعت اهزر مع زمايلي شوية وبعد كدة خرجت ولقيت محمود ناصر بيقولى تعالى علشان تاكل معانا وانا ساعتها كنت متضايق وقولتله انا مش جعان وقعدت افكر اشوف هعمل ايه في الخصم اللي اتسببلي فيه اسلام والوقف عن العمل وكنت متطابق خالص من الموضوع دا ودخلت الحمام وخرجت واخدت مناديل نشفت وشى وانا خارج لقيت مصري زميلي قولتله:" اول ما تشوف محمود عبد الناصر خليه يكلمني علشان اشوف عمل ايه وبعد كدة خرجت ومشيت و لقيت محمود جاي عليا من برا وسالته قولتله انت عملت ايه يا محمود في الموضوع بتاعي قالي هو الموضوع في ايد مستر محمود وروح دلوقتي وهبقى اكلمك وانا قلقت مبقتش عارف اعمل ايه وروحت طلعت تليفوني و كلمت محمود عبد الناصر ثاني علشان اتاكد واشوفه كلم مستر محمود ولا لاء لقيته بيقولى ان الموضوع خرج من ايده وان الموضوع في ايد مستر محمود لان اسلام كلمه وقاله انك انت مبنشوفش شغلك كويس وانا ساعتها عرفت انى اتوقفت عن العمل وقولتله يا محمود انا كدة ممكن احتاج ورقي علشان لو نزلت اى شغل خارجي ثاني وأخدث بعضى ومشيت على الموقف اللي انا يركب منه على البيت وانا ماشي لقيت اسلام واقف فقولت اروحله واشوف هو بيعاملني كدة ليه وروحتله وقابلته وقولتله با اسلام هو انت مستقصدني ليه هو انت شايفي غلط لقيته بيقولي ايوة يا عم بتلككلك ومستقصدك وراح زقني في صدري.
