طرح المطرب مسلم أحدث أغانيه بعنوان “وحشاك” عبر قناته الرسمية بموقع يوتيوب منذ قليل.

أغنية “وحشاك” من كلمات حسام سعيد ومن ألحان محمود أنور.

جاءت كلمات الأغنية:

وحشاك

عارف يا قلبي لسا طبعا مش ناسيها

عمال تنادي كل يوم بالليل عليها

جواك عذاب مبينتهيش

واخداك

لسا المشاعر ليها وبيكبر حنينك

حاسس بنقص في كل حاجه تشوفها عينك

انسى بقى علشان نعيش

لا دموعها بقيت علينا

ولا حتى الضحكه لينا

احنا صحيح ابتدينا لكن ماكملناش

ومكانا معادش فاضي أنا و انت في عينها ماضي

اقفل بقى الصفحة دي و ياريت ما تفتحهاش

واجعاك

السيرة حاسس باللي فيك عايش عذابك

بس انت ليه تمسك يا قلبي ف حد سابك

أخرك يادوب تزعل يومين

دي هناك

مش فارقة حاجة معاها عملت ترتيباتها

عمال تموت مع إنها عاشت حياتها

فكر وشوف الصح فين

تأتى هذه الأغنية استكمالا لقصص الأغانى السابقة التى قدمها مسلم، بداية من «قلب في الدفاتر» وهى تنتمي للنوعية الدرامية ، وتعبر عن نهاية قصة حب، كانت مليئة بالغدر والخداع، وأغنية «صعبان عليك» والتى يحكى فيها عن سيطرته على مشاعره، وشفائه من جرحه.

وأغنية “سابوك فى البيت” التى أهداها إلى روح والده، ويحكى فيها عن علاقه شاب بوالده، وعن إحساسه بألم الفراق، و«هنتقابل» التى وضع حدود فاصلة بينه وبين حبيبه السابق، ومعاملته مثل شخص غريب، و«متزعلش» وتناول فيها فكرة الخوف من الارتباط، والدخول فى علاقة حب جديدة، بعد ابتعاده لفترة طويلة، و«واحد زيك» قدم فيها مدى قدرته على تجاهل حبيبه السابق، ورفضه الرجوع له مرة ثانية، و«اتقابلنا» قدم من خلالها فكرة انفصال حبيبين، تجمعهما مقابلة عن طريق الصدفة، و«كفاية فراق» قدم فيها حالة حزن الإنسان على قلبه وعدم استقراره.