يستعد الفنان خالد الصاوي لتقديم دور "الشيطان" في الجزء الخامس من مسلسل "المداح"، المقرر عرضه في رمضان 2025، الدور ده هيكون مختلف وجديد على خالد، خاصة بعد تألقه في تقديم شخصية "الجني نائل" في فيلم "الفيل الأزرق" سنة 2014.

الصاوي معروف بتفانيه في أداء الشخصيات المعقدة والمركبة، وده اللي خلاه يتعمق في شخصية "الشيطان" ويحاول يتقمصها بشكل حقيقي.

يدور المسلسل حوالين شخصية "صابر المداح"، اللي بيجسدها حمادة هلال، واللي بيواجه صراعات مرعبة مع الجن والعفاريت.

أكد حمادة هلال إن أحداث المسلسل مأخوذة من الواقع، وأشار لحوادث حقيقية زى واقعة الأم اللي أكلت طفلها بعد ما طهته، ومشهد القتل الجماعي اللي نفذه أحد الأشخاص تحت تأثير الجن.

ونفى إن أغنية "لاقيناك حابس" اللي أثارت ضجة في المسلسل تحتوي على تعاويذ حقيقية، ووصف استخدام التعاويذ الحقيقية في الدراما بالجنون.

الجمهور منتظر رمضان 2025 عشان يشوف أداء خالد الصاوي في الدور الجديد، واللي من المتوقع إنه هيكون مليان مفاجآت وأحداث مشوقة.

ونستعرض المزيد من التفاصيل من خلال الفيديو جراف التالي.