روى 'عبده' عريس الإسماعيلية، زوج العروس الشهيرة صاحبة واقعة سقوط الشعر.

وقال 'عبده' خلال لقائه مع الإعلامية نهال طايل ببرنامج «تفاصيل» المذاع على قناة صدى البلد 2، اتفقت مع زوجتى إنها تعمل ميكب يوم الفرح بس، ويوم الفرح قالت عاوزة أعمل شعرى عندى الكوافيرة بردو، طلبت فرد شعر، روحت جبته من المكتبة.

وتابع العريس، 'وصلت الفرد للكوافير وسبتها مع 2 أختى وزوجة أخويا، وبعدين روحت كان عندى حاجات لسه بكملها فى الشقة، ومراتي خلصت كلمتنى روحت خدتها من الكوافير وقالتلى روحنى بيت أهلي'.

موضحا 'بعد 5 دقايق كلمونى قالولى مراتك شعرها اتحرق بسبب الفرد اللى الكوافيرة استخدمته لشعرها، قولتلهم أنا عاوز مراتي زى ما هى كده وأنا هعالجها بس أهلها قالوا لاء مش هتخدها سبتها، وتانى يوم روحت معاه للدكتور وكتبلها علاج'.