EN
تصدر اسم الفنان محمد التاجي ترند مؤشرات محرك البحث جوجل خلال الساعات القليلة الماضية، بعد تعرضه لوعكة صحية شديدة، حيث يتساءل الجمهور عن نوع المرض الذي يعاني منه، وتطورات حالته الصحية.
الحالة الصحية للفنان محمد التاجي
شارك الفنان محمد التاجي جمهوره بمقطع فيديو له عبر حسابه الشخصي بموقع التواصل الاجتماعي فيسبوك، يكشف من خلاله عن نوع المرض الذي يعاني منه منذ عامين تقريباً.
وقال التاجي: "أنا طالع أقولكم خدوا عظة من اللي جرالي مش عايز حد يزعل أو يغضب أوي فياخد كله على صدره، لأني الفترة اللي فاتت بسبب الضغط العصبي والنفسي في ظرف 15 يوما حصل تغيرات غريبة في جسمي".
رفرفة أذينية بالقلب
وتابع التاجي: أنا أساسا عندي مرض اسمه رفرفة أذينية في القلب، وعملت رسم قلب والطاقم الطبي قالي الدنيا ماشية بس عايزين نعملك قسطرة عشان فيه بؤرة جنب ضفيرة القلب اللي بتعمله نبضات بتلخبطه.
وواصل التاجي: أنا بقالي سنة ونص أو سنتين داخل وخارج من أوضة العمليات، ولما حطيت نفسي في ضغط تاني وروحت للدكاترة اكتشفوا اني حصلي قصور في الشريان الدائري ومحتاجين يعملوا قسطرتين واحدة عشان ضفيرة القلب والتانية عشان الشريان، على الرغم إني لا مدخن ولا عندي كوليسترول في الدم ولا حاجة.
رسالة محمد التاجي للجمهور
وأضاف التاجي: أنا بقولكم مفيش حاجة في الدنيا تستاهل إننا نوصل نفسنا لضغط ومهما اضغط علينا من الآخرين إنك توصل لمرحلة تمرض نفسك بنفسك من كتر التفكير والضغوط والعصبية اللي جواك يحصلك حاجة.. خففوا على نفسكم متاخدوش كل حاجة على صدركم.
واختتم التاجي: أنا عارف مين حطني في المواقف دي، مش هقول منهم لله ولا هدعي عليهم أنا مسامحكم والعفو عند المقدرة واللي مكتوبلي في الدنيا دي أنا هشوفه على الأقل في الفترة اللي فضلي في الدنيا دي أننا نعيشها في سلام الله يقويني على الوضع اللي أنا فيه ودعواتكم ليا".
أعراض مرض رفرفة أذينية بالقلب
- الإحساس بسرعة أو رفرفة أو خفقان في ضربات القلب، يسمى خفقان القلب.
- ألم في الصدر.
- الدوخة.
- الإرهاق.
- الدوار.
- ضعف القدرة على ممارسة التمارين الرياضية.
- ضيق في التنفس.
- الضعف.
لا يلاحظ بعض الأشخاص المصابين بالرجفان الأذيني أي أعراض.
