قال محامي عصام صاصا، قبل بدء محاكمة موكله في محكمة زينهم في تهمة تزوير أوراق رسمية أنه يوجد فاعل أخر مسؤول عن ارتكاب الواقعة.

وأكد، محامي عصام صاصا، في تصريحات صحفية، أن موكله حالته النفسية كويسة وهو راضي بقضاء ربنا وباحكام القضاء.

وتضمنت المحادثات بين عصام صاصا وشقيقه محمد، بتاريخ 12 مايو، تسجيلا صوتيا لـ عصام صاصا موجه لشقيقه قال له فيه: «كلم عم سيد قوله إن التوكيل معاك يا أبو طه»، ورد شقيقه محمد عليه بتسجيل صوتي: «ما هو عارف ياريس.. أنا كنت قاعد معاه إمبارح وهو بيكلمك».

وجاء ضمن المحادثات حديث محمد شقيق عصام صاصا يوم 13 مايو 2024: “إيه يا حبيبي عامل إيه دلوقتي؟”، ورد صاصا عليه في تسجيل صوتي" «المحامي ياسطا مطمنك ولا لما قعدتوا معاه طمنكوا ولا إيه الكلام»، ورد محمد شقيقه: «وربنا قالي متخافش على أخوك ده رقبتي وهو ياسطا باين عليه تقيل أوي أول مرة أشوف محامي كده».

وقال محمود الليثي في أقواله ضمن تحقيقات قضية عصام صاصا، اللي حصل في حادث عصام أني كنت لسه مخلص حفلة واتصل بيا حد في المجال وقالي ألحق عصام صاصا عامل حادثة وخبط واحد وجريت عليه على الدائري، ولما وصلت لقيت الراجل متوفي وعصام واقف وعربية الشرطة واقفة وعصام كان منهار وبيقول حق الراجل في رقبتي ليوم الدين.

وتابع محمود الليثي في أقواله، عصام صاصا قالي حق الراجل وعياله في رقبتي ومرديش يمشي وشيلنا المتوفي في الإسعاف وروحنا قسم الطالبية ولما روحنا عصام اتعرض على النيابة وخد إخلاء سبيل من القسم وكان عنده حفلة في دبي في الإمارات يوم 9 مايو وسافر بعد ما خرج من القسم عشان الحفلة دي.

بالمستندات.. ننشر نص تقارير أبحاث التزييف عن تزوير توكيل عصام صاصا| خاص

«ياسطا متخافش».. نص محادثات عصام صاصا وشقيقه عن التوكيل المزور| خاص

محمود الليثي عن توكيل عصام صاصا المزور: معرفش حاجة

واستكمل محمود الليثي في أقواله، بعدها بيومين معاذ مدير أعمال عصام صاصا كلمني وقالي أنه في محامي اسمه محمد حمودة وعايزين نعرف اتعابه كام عشان عصام، وروحت لمكتب محمد حمودة فعلا وقعدت معايا أنا وصاحبي سيد واتفقنا على الأتعاب حوالي 2 مليون جنيه وبعدها مشيت وكلمت معاذ وقولت له خلاص الأمور تمام.

وأضاف محمود الليثي في تحقيقات قضية عصام صاصا، عصام صاحبي من 2023 اتعرفت عليه في فيلم وهو واد جدع وغلبان، وقعدنا في مكتب المحامي ربع ساعة عشان نتفق على الأتعاب وبعدها مشيت ومعرفش هو المحامي اللي عصام عمل له التوكيل من برا ولا لا، ومكنش معايا اي مستندات وأنا رايح، ولا أعرف حاجة عن التوكيل المزور بتاع عصام، وكل القصة أني كنت وسيط بس.

وينشر موقع “صدى البلد” نص أمر إحالة مطرب المهرجانات عصام صاصا وشقيقه محمد طه، وطالب وموظف إلى محكمة الجنايات لاتهامهم بالاشتراك بطريقي الاتفاق والمساعدة مع موظف عام في تزوير محرر رسمي واستعمال المحرر الرسمي.

نص أمر إحالة عصام صاصا و3 آخرين للجنايات

وتضمن أمر إحالة عصام صاصا الذي أعدته نيابة جنوب الجيزة الكلية برئاسة المستشار محمود غيطاس المحامي العام الأول لنيابة جنوب الجيزة الكلية، في القضية رقم 11659 لسنة 2024 جنايات قسم الجيزة، المقيدة برقم 3447 لسنة 2024 كلي جنوب الجيزة، اتهام النيابة كلا من محمد طه طلعت، 24 سنة، طالب، «محبوس»، ومحمود الجوهري، 30 سنة طالب «هارب»، وطلعت أبو العلا، 58 سنة، موظف سابق «هارب»، وعصام طه طلعت - عصام صاصا - 24 سنة، طالب ومطرب «هارب».

وتضمن أمر إحالة المتهم عصام صاصا و3 آخرين، أنهم في 11 مايو 2024 بدائرة قسم الجيزة حال كون المتهمين ليسوا من أرباب الوظائف العمومية، اشتركوا بطريقي الاتفاق والمساعدة مع موظف عام حسن النية - موثق بمكتب توثيق مجلس النواب - في ارتكاب تزوير في محرر رسمي وهو التوكيل الرسمي العام للقضايا ويحمل رقم 965/أ لسنة 2024 مكتب توثيق مجلس النواب، وذلك بأن اتفق المتهمان الثالث والرابع مع الأول والثاني على ارتكاب الجريمة بجعل واقعة مزورة في صورة واقعة صحيحة.

وساعد المتهمان الثاني والثالث، عصام صاصا وشقيقه بأن أمدوهما بالمعلومات والبيانات اللازمة فأعد الموظف العام حسن النية أوراق التوكيل آنف البيان وتمكن المتهم الثاني من التحصل على الأوراق، مع المتهم الأول شقيق عصام صاصا الذي قام بمهر التوكيل ببصمته وبتوقيعاته ونسبها إلى عصام صاصا بصورة بطاقة تحقيق الشخصية للمطرب المرفقة بالتوكيل، وذلك على خلاف الحقيقة مقدمين الأوراق للموظف للاحتجاج بما دون به من توقيعات وبصمات مع علمهم جميعا بأمر تزويرها فتمكنوا من اتمام جريمتهم بناء على هذا الاتفاق.

واشترك المتهمون بطريقي الاتفاق والمساعدة مع محامي حسن النية في استعمال المحرر المزور موضوع الاتهامات السابقة فيما زورت من أجله، بأن اتفق المتهمون الثاني حتى الرابع مع الأول - شقيق عصام صاصا - على ارتكاب الجريمة وساعدوه بأن أمدوه بالتوكيل المزور فقدمه لنيابة العمرانية الجزئية للاحتجاج بما دون به من بيانات مع علمهم جميعا بأمر تزويره فوقعت الجريمة بناءً على ذلك الاتفاق.